rKTs

e-texts navigator

Volume

Page

250a₁ dag par rjes su mi mthong ngo / /de ci'i phyir zhe na/ chos kyi dbyings nyid sems can thams cad kyi sems med pa'i dbyings te/ de de ltar yid ches shing chos de dag ji lta bar sems kyang de bzhin du yid ches par byed de/ de lta bu ni dad pas rjes su 'brang ba zhes
250a₂ bya'o/ /kun dga' bo gzhan yang byang chub sems dpa' sems dpa' chen po de yang dag par na sems can thams cad gang la yang mi gnas par yid ches shing sems can thams cad rang bzhin gyis stong pas/ de dag gi gnas kyang yang dag par rjes su mi mthong la/ sems
250a₃ can thams cad mya ngan las 'das pa'i dbyings su yang dag par rjes su mi mthong ste/ de ltar dad pa'i byang chub sems dpa' sems dpa' chen po ni dad pas rjes su 'brang ba zhes bya'o/ /de nas bcom ldan 'das kyis de'i tshe tshigs su bcad pa 'di dag bka' stsal to/ /sangs
250a₄ rgyas mthong ba chags med la/ /sems can dpag med dad par byed/ /de ni de la chags pa med/ /de phyir blo ldan dad pas 'brang / /chos 'di thams cad stong pa zhes/ /rab tu bshad par yid kyang ches/ /de ni de yi mos yin te/ /de phyir dad pas 'brang bar 'dod/ /
250a₅ bde gshegs ye shes yid ches te/ /nam zhig 'di 'drar shes ldan zhes/ /de la 'dod pa 'jug byed cing / /shes pa de yang mthong ma yin/ /'dod pa'i yon tan rnam lnga la/ /rtag tu dad pa ma yin te/ /dad pa'i stobs ni rjes thob pa/ /de phyir dad pas 'brang bar
250a₆ gsungs/ /ji ltar bcom ldan byin pa ltar/ /chos sbyin bsam gyis mi khyab 'di/ /sbyin pa na ma zhig sbyin snyam pa/ /de phyir dad pas 'brang bar gsungs/ /de ni slong la dad pa yis/ /lus kyang thams cad gtong bar byed/ /sbyin la sbyin pa'i 'du shes med/ /de phyir
250a₇ brtan pa dad pas 'brang / /dad pas thams cad gtong byed cing / /thams cad la yang ser sna med/ /de dag thams cad byang chub gzhol/ /byang chub de yang mthong ma yin/ /rdzogs sangs rgyas la dad pas dang / /de yi sems ni rnyog pa med/ /sems med pa yi chos

_{iiif viewer powered by OpenSeadragon}

249b - 250b

Texts on this page