rKTs

e-texts navigator

Volume

Page

249b₁ kun dga' bo byang chub sems dpa' sems dpa' chen po de yang dad pas rjes su 'brang ba zhes bya'o/ /kun dga' bo gzhan yang byang chub sems dpa' sems dpa' chen po de zhum pa med pa'i yid kyis btang ba thams cad yongs su gtong ba yin te/ de lus kyang yongs su gtong
249b₂ yang sbyin pas dag par mi sems shing thams cad du yang ser sna med pa yin la/ de thams cad kyang byang chub tu yongs su sngo zhing / byang chub de yang yang dag par rjes su mi mthong ste/ de ltar yang dag par rjes su mi mthong ba de ni dad pas rjes su 'brang ba zhes bya'o/ /kun
249b₃ dga' bo gzhan yang byang chub sems dpa' sems dpa' chen po de sangs rgyas la dad pa phun sum tshogs pa yin/ sems rnyog pa med pa yin/ rnyog pa med pa'i chos la yid ches pa yin/ skye mched drug kyang mi 'dor la/ de de dag don du gnyer ba yang ma yin/ dad pas
249b₄ mos pa yin/ sems can gang dag dad pa dang mi ldan pa de dag kyang dad pa la 'dzud cing sangs rgyas kyi chos la dad par byed pa yin/ dad pa dang ldan par gyur nas kyang byang chub tu sems skyed cing sems de yang mi rnyed pa yin/ dad nas mnyam pa nyid du shes shing chos kyi dbyings
249b₅ mnyam pa nyid du shes te/ de ni ji ltar shes zhe na/ de ni tha snyad kyis chos kyi dbyings so zhes brjod par bya ste/ dbyings de yang mi rnyed/ 'du byed thams cad mi rtag pa dang / 'du byed thams cad sdug bsngal ba dang / 'du byed thams cad stong pa dang / 'du byed
249b₆ thams cad bdag gi ba med par yid ches par byed cing de la yang stobs bskyed pa thob pa yin/ 'phags pa'i tshul khrims la yid ches pa yin/ spros pa med pa'i ting nge 'dzin la yang snyoms par zhugs pa yin/ sems can thams cad 'gog pa'i dbyings su mnyam mo
249b₇ zhes 'gog pa'i dbyings la yid ches pa yin/ dad pa gang gis yid ches pa de'i mtshan nyid kho nar yang dag par rjes su mthong zhing mi chags so/ /ma chags nas kyang sems can thams cad chos kyi dbyings su yang dag par rjes su mthong la chos kyi dbyings de yang yang

_{iiif viewer powered by OpenSeadragon}

249a - 250a

Texts on this page