| e-texts navigator |
| བོད་ཡིག |
249a1 legs so zhes gsol te/ tshe dang ldan pa kun dga' bos/ bcom ldan 'das kyi ltar mnyan pa dang / bcom ldan 'das kyis 'di skad ces bka' stsal to/ /kun dga' bo 'di la byang chub sems dpa' sems dpa' chen po de sems can grangs med
249a2 dpag tu med pa dag chags pa med pas sangs rgyas mthong bar bya ba'i phyir yang dad par byed la/ sangs rgyas kyi chos de dag kyang yang dag par rjes su mi mthong zhing / de gzugs la mi chags/ de bzhin du tshor ba dang / 'du shes dang / 'du byed rnams dang / rnam
249a3 par shes pa la mi chags pa 'di ni kun dga' bo byang chub sems dpa' sems dpa' chen po dad pas rjes su 'brang ba zhes bya'o/ /kun dga' bo gzhan yang byang chub sems dpa' sems dpa' chen po de chos 'di dag thams cad de bzhin gshegs pa dgra bcom pa yang
249a4 dag par rdzogs pa'i sangs rgyas kyis stong par bshad par yid ches par byed na/ kun dga' bo de ltar mos pa'i byang chub sems dpa' sems dpa' chen po ni dad pas rjes su 'brang ba zhes bya'o/ /kun dga' bo gzhan yang byang chub sems dpa' sems dpa' chen po de
249a5 sangs rgyas kyi ye shes la yid ches par byed cing / de la 'dod pa yang skyed la/ nam zhig na bdag ye shes 'di lta bu dang ldan par 'gyur snyam du ye shes de yang yang dag par rjes su mi mthong na/ kun dga' bo byang chub sems dpa' sems dpa' chen po de dad pas rjes su
249a6 'brang ba zhes bya ba'i ming thob bo/ /kun dga' bo gzhan yang byang chub sems dpa' sems dpa' chen po de/ 'dod pa'i yon tan lnga la dad pa ma yin la/ dad pa'i stobs bskyed pa rjes su thob na/ kun dga' bo byang chub sems dpa' sems dpa' chen po de dad
249a7 pas rjes su 'brang bar rig par bya'o/ /yang ji ltar de bzhin gshegs pas byin pa ltar chos kyi sbyin pa bsam gyis mi khyab pa sbyin par bya ba gang yin pa de lta bur nam zhig na 'gyur zhig gu snyam zhing chos kyi sbyin pa bsam gyis mi khyab pa de la yang yid ches par byed na/
iiif viewer powered by OpenSeadragon
Texts on this page
D240 - 'phags pa phyir mi ldog pa'i 'khor lo zhes bya ba theg pa chen po'i mdo