| e-texts navigator |
| བོད་ཡིག |
247b1 sangs rgyas kyi ye shes la ma mos pas/ kun dga' bo sangs rgyas bcom ldan 'das thabs la mkhas pa dag thabs mkhas pas de ltar de dag la chos ston to/ /kun dga' bo sems can gang dag rgya chen po la mos pa de dag ni nyung ste/ kun dga' bo sems can gang dag dman pa la mos
247b2 pa de dag gi ched du de bzhin gshegs pa thabs mkhas pa de lta bus chos ston to/ /thabs 'dis sangs rgyas kyi chos ston to/ /de nas bcom ldan 'das kyis de skad ces bka' stsal nas cang mi gsung bar gyur to/ /de nas tshe dang ldan pa kun dga' bos 'jam dpal gzhon
247b3 nur gyur pa la 'di skad ces smras so/ /'jam dpal ci'i phyir de bzhin gshegs pa cang mi gsung bas 'da' bar mdzad/ 'jam dpal gyis smras pa/ btsun pa kun dga' bo sems can gang dag chos bstan pa 'di lta bu la mos pa de dag ni nyung ngo / /dgra bcom
247b4 pa'o snyam pa'i sems dang ldan pa'i dgra bcom pa 'di dag ni shin tu mang ngo / /btsun pa kun dga' bo sems can gang dag de bzhin gshegs pa dgra bcom pa yang dag par rdzogs pa'i sangs rgyas kyis ci la dgongs te/ chos bstan ces de bzhin gshegs pa'i dgongs
247b5 te gsungs pa kun du shes pa de dag ni nyung ngo / /kho bo ni 'di la mngon sum mo/ /'khor bzhi po de dag ji ltar da ltar de bzhin gshegs pas dad pas rjes su 'brang ba rnam par gzhag pa mdzad ces bya ba nas/ de bzhin du rgya cher rang sangs rgyas kyi bar du rnam par gzhag
247b6 pa mdzad ces the tsom du gyur pa dag go/ /byang chub sems dpa' bye ba phrag mang po 'di dag de bzhin gshegs pas ci la dgongs te/ dad pas rjes su 'brang ba yongs su bstan ces bya ba nas/ de bzhin gshegs pas ci la dgongs te/ rang sangs rgyas kyi bar du
247b7 yongs su bstan ces/ dpyod par gyur pas chu thams cad kyang thogs shing mi 'bab/ bya rnams kyang nam mkha' la mi 'phur ro/ /de ci'i phyir zhe na/ chos bstan pa 'di ni mos par dka' ba ste/ de ltar na de bzhin gshegs pa cang mi gsung bas 'da' bar mdzad
iiif viewer powered by OpenSeadragon
Texts on this page
D240 - 'phags pa phyir mi ldog pa'i 'khor lo zhes bya ba theg pa chen po'i mdo