| e-texts navigator |
| བོད་ཡིག |
247a1 kun tu med par brjod/ /'di ni 'jig rten rnams kyi mgon/ /skyob pa rnams kyi ldem po ngag /'jam dbyangs 'jigs pa med pa yis/ /gang gi ched du yongs dris pa/ /'di la sgra ni med pa ste/ /sgra rnams thams cad mnyam par gyur/ /de skad
247a2 ces bka' stsal pa dang / bcom ldan 'das la tshe dang ldan pa kun dga' bos 'di skad ces gsol to/ /bcom ldan 'das ci lags/ 'jam dpal gzhon nur gyur pa phyir mi ldog pa'i 'khor lo'i slad du yongs su zhu lags sam/ bka' stsal pa/ kun dga' bo de de bzhin te/
247a3 kun dga' bo sangs rgyas bcom ldan 'das rnams ni phyir mi ldog pa'i 'khor lo bskor ba dag go/ /gsol pa bcom ldan 'das de bzhin gshegs pas ci la dgongs te/ dad pas rjes su 'brang ba bstan/ chos kyi rjes su 'brang ba bstan/ de bzhin du bcom
247a4 ldan 'das de bzhin gshegs pa dgra bcom pa yang dag par rdzogs pa'i sangs rgyas kyis ci la dgongs te/ brgyad pa dang / rgyun du zhugs pa dang / lan cig phyir 'ong ba dang / phyir mi 'ong ba dang / nyan thos dgra bcom pa dang / rang sangs rgyas bstan/ bcom
247a5 ldan 'das de bzhin gshegs pas gang la dgongs te/ dad pas rjes su 'brang ba yongs su bstan pa dang / de bzhin du de bzhin gshegs pas gang la dgongs te/ chos kyi rjes su 'brang ba dang / brgyad pa dang / rgyun du zhugs pa dang / lan cig phyir 'ong ba
247a6 dang / phyir mi 'ong ba dang / nyan thos dgra bcom pa dang / rang sangs rgyas yongs su bstan pa de/ bcom ldan 'das de bzhin gshegs pas byang chub sems dpa'i chos nyid kyang de nyid lags par de ltar yongs su bstan tam/ ci lags bcom ldan 'das kyis
247a7 bstan du gsol/ bka' stsal pa/ kun dga' bo de de bzhin te/ de bzhin gshegs pas de dag nyid byang chub sems dpa'i chos zhes de skad yongs su bstan to/ /de ci'i phyir zhe na/ kun dga' bo snyigs ma lnga'i tshe skyes pa'i sems can dag ni dman pa la mos pa dag ste/ de dag
iiif viewer powered by OpenSeadragon
Texts on this page
D240 - 'phags pa phyir mi ldog pa'i 'khor lo zhes bya ba theg pa chen po'i mdo