| e-texts navigator |
| བོད་ཡིག |
240b1 rgyas kyi theg par sems bskyed pa las phyir mi ldog par gyur to/ /gzhan yang sems can tshad med grangs med pa dag bcom ldan 'das kyis bshad pa thos nas nam 'tsho'i bar du dge ba bcu'i las kyi lam la bde bar gnas nas theg pa chen por sems bskyed cing bla na med pa yang dag par
240b2 rdzogs pa'i byang chub las phyir mi ldog par gyur to/ /gzhan yang sems can tshad med grangs med pa dag ni bcom ldan 'das kyis bshad pa thos nas 'jig rten gyi yang dag par lta ba thob par gyur te/ yang dag par lta ba de'i dbang gis ngan song du 'gro ba'i rgyu dang / kun nas nyon mongs pa'i
240b3 las dang / nyon mongs pa thams cad byang nas mtho ris su 'gro ba'i rgyu dang / yang dag pa'i smon lam dang / dge ba'i las thams cad skye zhing 'phel bar 'gyur ro/ /gzhan yang sems can tshad med grangs med pa dag bcom ldan 'das kyis bshad pa thos nas dkon mchog gsum la
240b4 skyabs su song ste/ dge bsnyen gyi sdom pa blangs nas sangs rgyas mchod pa la spro ba dang / chos thos pa la dga' ba dang / dge 'dun gyi g.yog byed pa la mos te/ nyin mtshan du 'bad pa'i brtson 'grus la sems par tshad med par gyur to/ /gzhan yang sems can tshad med grangs
240b5 med pa dag bcom ldan 'das kyis bshad pa thos nas log pa la 'bab pa dang / log pa la phyogs pa dang / blo gros ngan pa dang / las ngan pa thams cad yongs su spangs te/ sangs rgyas kyi chos la mi 'gyur ba'i dad pa thob nas khyim na gnas pa'i chos yongs su spangs te rnam par dag
240b6 pas rab tu byung bar gyur to/ /de nas bcom ldan 'das kyis byang chub sems dpa' sems dpa' chen po nam mkha'i snying po la 'di skad ces bka' stsal to/ /rigs kyi bu ngas sa'i snying po'i 'khor lo bcu pa zhes bya ba brda sprod pa chen po chos kyi sgo mo 'di/ khyod kyi lag tu gtad kyis khyod
240b7 kyis gzungs su zung la shin tu rgyas par gyis shig / sems can gang chos kyi rnam grangs 'di la klog gam/ 'don tam/ yid la byed dam/ gzhan la yang rgya cher 'chad dam/ yang dag pa'i spyad pa la gnas pa dag la khyod kyis chos rnam pa 'di bcus bsrungs te/ yun ring
iiif viewer powered by OpenSeadragon
Texts on this page
D239 - 'dus pa chen po las sa'i snying po'i 'khor lo bcu pa zhes bya ba theg pa chen po'i mdo