| e-texts navigator |
| བོད་ཡིག |
239a1 'gyur bas 'das pa'i dus kyi sdig pa mi dge ba'i las kyi lhag mas gnyer te ngan 'gro mnar med pa dang / gzhan yang srid pa dang / 'gro ba rnams su 'khor ba 'khor ba'i las la mkhas pa'i go cha chen po'i 'khor lo la yang gnas par 'gyur ro/ /'khor lo 'di la
239a2 gnas pas dpag tu med pa nam mkha' lta bu'i ye shes kyi nyi ma byung bas rang gi lus la phyin ci log bzhi dang / ma rig pa'i mun pa thams cad yongs su sel bar 'gyur ro/ /'das pa'i dus kyi sdig pa mi dge ba'i las kyi lhag mas gnyer te ngan 'gro mnar med pa dang / gzhan yang
239a3 srid pa dang / 'gro ba rnams su 'khor bar 'khor ba'i las thams cad kyang lhag ma ma lus par yongs su sel te/ rnam par smin pa'i 'bras bu yang myong bar mi byed do/ /rigs kyi bu byang chub sems dpa' sems dpa' chen po gang 'khor lo 'di dang ldan na thog ma sems bskyed pa nas
239a4 'dod pa rnam lnga yongs su bsal te/ nyan thos dang / rang sangs rgyas thams cad las shin tu 'das shing / nyan thos dang / rang sangs rgyas thams cad kyi bsod nams kyi zhing du 'gyur ba dang / nyan thos dang / rang sangs rgyas kyi theg pa pa thams cad kyis mchod pa dang / srung ba
239a5 dang / bsnyen bkur byed par 'gyur ro/ /'khor lo 'di'i dbang gis sangs rgyas kyi chos thams cad la dbang du 'gyur ba dang / phyir mi ldog pa dang / sdig pa'i grogs po'i dbang du mi 'gro ba dang / sangs rgyas thams cad mthong ba dang mi 'bral zhing byang chub sems dpa' dang /
239a6 nyan thos kyi nye gnas mthong ba dang mi 'bral ba dang / chos thos pa dang mi 'bral ba dang / dge 'dun la mchod pa dang bsnyen bkur byed pa dang mi 'bral ba dang / yon tan thams cad la sems mi ngoms pa ste/ mngon par byang chub kyi bar du rgyun mi 'chad pa dang rtag tu sangs rgyas
239a7 rjes su dran pa dang mi 'bral ba ni chung ngu na rmi lam na yang 'bral bar mi byed do/ /de ltar byang chub sems dpa' de bsod nams dang ye shes kyi tshogs kyang myur du rdzogs pa dang / ring po mi thogs par rnam par dag pa'i sangs rgyas kyi zhing du bla na med pa yang dag par rdzogs pa'i byang chub tu mngon
iiif viewer powered by OpenSeadragon
Texts on this page
D239 - 'dus pa chen po las sa'i snying po'i 'khor lo bcu pa zhes bya ba theg pa chen po'i mdo