rKTs

e-texts navigator

Volume

Page

236a₁ sems dang / yid dang / rnam par shes pa las skyes pa'i tshor ba rnam gsum ste/ bde ba dang / sdug bsngal dang / bde ba yang ma yin sdug bsngal ba yang ma yin par tshor ba la sems rtag tu zhi zhing chags pa med do/ /dus gsum gyi phung po dang /
236a₂ khams dang / skye mched rnams kyi rnam pa thams cad la len pa med pa/ sems kyi spyod pa med pa'o/ /gang ji snyed khams gsum dang / 'du byed gsum dang / reg bya gsum dang / tshor ba gsum dang / dbang po gsum dang / theg pa gsum dang / sdom pa gsum dang /
236a₃ rnam par grol ba gsum dang / rnam pa de dag thams cad la sems rab tu zhi ba/ gnas med pa/ mtshan ma med pa/ len pa med pas mnyam pa nyid du gnas so/ /gang ji snyed sbyin pa dang / tshul khrims dang / bzod pa dang / brtson 'grus dang / bsam gtan dang /
236a₄ shes rab dang / pha rol tu phyin pa thams cad la sems kyi spyod pa med pa rab tu zhi bar gnas so/ /de bzhin du dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang pa bzhi dang / dbang po lnga dang / stobs lnga dang / byang chub kyi yan
236a₅ lag bdun dang / 'phags pa'i lam yan lag brgyad pa la yang sems kyi spyod pa med pa rab tu zhi bar gnas so/ /gang ji snyed dgu mthar gyis gnas pa'i snyoms par 'jug pa la yang sems kyis spyod pa med par rab tu zhi bar gnas so/ /gzhan yang mngon par
236a₆ 'du byed pa gsum dang / chos la sgrib pa med pa'i ye shes dang / lam gyi yan lag dang / lam gyi rang bzhin 'dren par byed pa dag la yang len pa med pa/ sems kyi spyod pa med pa/ kun gzhi rnam par shes pa dang / kun gzhi rnam par shes pa ma yin pa dang /
236a₇ nye bar len pa dang bcas pa dang / nye bar len pa med pa dang / zag pa dang bcas pa dang / zag pa med pa dang / tshu rol gyi mu dang / pha rol gyi mu dang / chung ngu dang / chen po dang / tshad med pa dang / byed pa dang / mi byed pa dang / dge ba dang / mi dge ba dang /

_{iiif viewer powered by OpenSeadragon}

235b - 236b

Texts on this page