| e-texts navigator |
| བོད་ཡིག |
232b1 yang dag par bstan te khad kyis slob tu 'jug go/ /sems can gang sbyin pa la mos par gyur pa rnams la ni tshul khrims rnam par dag pa'i mchog srung bar bstan pa de bzhin du rgyas par sems can gang bsam gtan la mos par gyur pa la ni zag pa med pa 'phags pa'i lam gyi
232b2 mchog gis bsdus pa dang / shes rab bla na med pa ston cing nan tan byed du bcug ste/ shin tu thabs mkhas pa 'di ni dmigs pa med pa dang / chags pa med pa ste/ 'di ni byang chub sems dpa'i 'jig rten las 'das pa'i thabs mkhas pa'i go cha chen po'i 'khor lo zhes
232b3 bya'o/ /rigs kyi bu byang chub sems dpa' sems dpa' chen po gang shin tu thabs mkhas pa'i go cha chen po'i 'khor lo 'di dang ldan na thog ma sems bskyed nas 'dod pa rnam pa lnga yongs su bsal bas byang chub sems dpa' sems dpa' chen po zhes bya'o/ /nyan thos dang /
232b4 rang sangs rgyas thams cad las shin tu 'das shing nyan thos dang / rang sangs rgyas thams cad kyi bsod nams kyi zhing chen por 'gyur ba dang / nyan thos dang / rang sangs rgyas kyi theg pa pa thams cad kyis mchod pa dang / bsrung ba dang / bsnyen bkur bya ba'o/ /de nas
232b5 bcom ldan 'das kyis don de dag gsal bar bzlas pa'i phyir tshigs su bcad de bka' stsal pa/ shes rab nan tan rnam gnyis te/ /'jig rten bcas dang 'jig rten 'das/ /chags pa de ni 'jig rten bcas/ /chags med pa ni 'jig rten 'das/ /shin tu thabs mkhas
232b6 nan tan ni/ /khyad par rnam pa gnyis la gnas/ /dmigs pa yod pa 'jig rten bcas/ /dmigs med de ni 'jig rten 'das/ /gang zhig theg pa gcig ston pa/ /de ni legs par chos ston min/ /bdag kyang yongs su mi smin na/ /gzhan gyi don du ga la 'gyur/ /gcig
232b7 tu mi dge sems can la/ /theg pa gsum gyi chos ston na/ /de ni gti mug rmongs pa ste/ /byang chub chen po de'i ma yin/ /theg pa gsum la 'jug spro zhing / /yang dag pa yi chos 'dod la/ /'khor bas spro ba'i chos ston na/ /mkhas pa'i rang bzhin de ma yin/ /rtse gcig
iiif viewer powered by OpenSeadragon
Texts on this page
D239 - 'dus pa chen po las sa'i snying po'i 'khor lo bcu pa zhes bya ba theg pa chen po'i mdo