rKTs

e-texts navigator

Volume

Page

230b₁ pa dang / theg pa chen po'i snod ma yin pa nyan thos dang / rang sangs rgyas kyi dbang po yongs su ma smin pa la shin tu phra la zab pa dam pa'i chos ston te/ slob tu gzhug pa dang / 'phags pa'i bsam gtan la nan tan du byed du gzhug go/ /gzhan yang don dam pa'i bden pa bstan te
230b₂ nan tan byed du gzhug pa dang / phyin ci log bzhi las bzla zhing mi ltung ba'i chos kyi mtshan nyid rig par bya ba dang / so so yang dag par rig pa bzhi la gzhol bar bya ba nas/ gzhan yang dran pa nye bar gzhag pa bzhi dang / yang dag par spong ba bzhi dang / rdzu 'phrul gyi rkang
230b₃ pa bzhi dang / dbang po lnga dang / stobs lnga dang / byang chub kyi yan lag bdun dang 'phags pa'i lam yan lag brgyad pa dang / lhag ma dang bcas pa dang / lhag ma ma lus pa'i lam dang lam gyi 'bras bu'i bar du 'jug par bya ba la mkhas pa'i ye shes kyis yongs su
230b₄ smin par byed do/ /sems can gang khe dang / grags pa dang / longs spyod la chags te dbang po rgod pa/ dge ba'i rtsa ba yongs su ma smin pa la ni mdo sde dang / 'dul ba dang / ma mo klog pa dang / 'don pa byed du gzhug pa dang / sangs rgyas gzhan gyis bshad pa las
230b₅ gzhan pa rnam par grol ba dang / 'thun pa'i gtsug lag klog cing 'don du bcug ste yongs su smin par byed do/ /sems can gang sbyin pa byed pa la mi mos pa la ni nor rin po che dang / nor dbyig rnam pa sna tshogs gtong bar bskul bas yongs su smin par byed do/ /sems can
230b₆ gang gtum pa mi nges pa'i rang bzhin can la tshangs pa'i gnas bzhi slob tu skul ba dang / sems can gang zhe sdang can la bzod pa slob par skul ba dang / sems can gang le lo can la ni brtson 'grus slob tu skul ba dang / sems can gang sems g.yengs pa la ni bsam gtan
230b₇ sgom par skul ba dang / sems can gang 'chal ba'i shes rab can la ni yang dag pa'i chos ston pas bka' lung brda sprod cing lung 'bogs pa la thabs mkhas pas yongs su smin par byed do/ /sems can gang dkon mchog gsum la mngon par ma dad cing mi gnas pa dang /

_{iiif viewer powered by OpenSeadragon}

230a - 231a

Texts on this page