rKTs

e-texts navigator

Volume

Page

218a₁ dge ba'i rtsa ba thams cad tshol ba la brtson pas sems mi ngoms pa dang / byang chub kyi spyod pa dang / smon lam dang / pha rol tu phyin pa drug la sems mi ngoms par 'gyur te/ 'bras bu gzhan 'thob pa yang ji skad bshad pa bzhin no/ /rigs kyi bu byang chub
218a₂ sems dpa' sems dpa' chen po gang 'khor lo rnam pa bcu po de dag dang ldan na myur du bla na med pa yang dag par rdzogs pa'i byang chub tu mngon par rdzogs par 'tshang rgya bar 'gyur ro/ /de ci'i phyir zhe na/ snga ma 'das pa'i de bzhin gshegs pa dgra bcom pa yang dag par
218a₃ rdzogs pa'i sangs rgyas thams cad kyang mi dge ba bcu'i las yongs su spangs nas thams cad kyis dge ba bcu'i las kyi lam gyi 'bras bu bsngags shing bstod de/ sems can thams cad la bde ba dang phan pa'i don dang / byang chub kyi lam skye zhing 'phel bar bya ba dang /
218a₄ sems can thams cad kyi las dang nyon mongs pa'i sdug bsngal lhag ma ma lus par bsal bar bya ba dang / ngan song gsum bskam par bya ba dang / dkon mchog gsum gyi gdung bsab par bya ba dang / khams gsum gyi srid pa yongs su gcad par bya ba dang / phung po
218a₅ dang / khams dang / skye mched gcad par bya ba dang / thams cad myur du 'jigs pa med pa'i mya ngan las 'da' ba'i grong khyer du gzud pa'i phyir ji skad bshad pa bzhin du mi dge ba bcu'i las kyi 'bras bu yongs su spong ngo / /de bas na rigs kyi bu gal te yang dag pa ji lta ba
218a₆ bzhin du dge ba bcu'i las kyi lam 'di ma bsgrubs par mngon par 'tshang rgya ba'am/ chung ngu na yang dag pa ji lta ba bzhin du dge ba bcu'i las kyi lam 'ga' tsam yang mi srung bar nga ni theg pa chen po yang dag par spyod pa'o zhe'am/ nga ni bla na med pa yang dag par rdzogs pa'i byang
218a₇ chub sgrub pa'o zhes zer na/ gang zag de ni shin tu par smra ba ste/ phyogs bcu'i sangs rgyas bcom ldan 'das kyi spyan sngar 'jig rten slu ba dang / 'dzem pa dang / ngo tsha ba med pa yang stong par smra zhing chad par lta ba/ glen pa mi shes pa slu ba can yin te/ de tshe 'phos

_{iiif viewer powered by OpenSeadragon}

217b - 218b

Texts on this page