| e-texts navigator |
| བོད་ཡིག |
217a1 log par lta ba dang bral bar 'gyur ro/ /'chi 'pho ba'i dus byed pa na yang lus dang sems la sdug bsngal gyis mi gdung zhing yid du 'ong ba'i bu dang / chung ma dang / 'khor thams cad kyis yongs su bskor bas 'chi 'pho ba'i dus byed par 'gyur gyi/ shin tu 'jigs pa'i
217a2 gshin rje'i pho nya mthong bar mi 'gyur ro/ /yid du 'ong ba'i dge ba'i bshes gnyen chos kyis dul ba tshul khrims dang yon tan du ldan pa/ bsod nams kyi zhing yang dag pa dang phrad de lus dang sems rab tu dga' ba dang / bkur sti dang bcas pas shin tu dad pa skye bar 'gyur ro/ /
217a3 tshe 'phos nas kyang phyir mi'i nang du skye zhing dbang po yongs su rdzogs pa yan lag dang ldan pa dang / gang nas gang du skyes par sems rnam par dag cing log par lta ba dang bral ba dang / byad gzugs bzang ba dang / yid gzhungs pa dang / rab tu bde zhing skyid pa dang / phyir yang
217a4 yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod nams kyi zhing yang dag pa dang phrad de de'i rjes su 'thun par slob pa dang / log par lta ba'i chos yongs su spong ba dang / sdig pa mi dge ba'i chos thams cad yongs su gcod
217a5 pa dang / dge ba'i chos khyad par can thams cad yongs su rdzogs pa dang / theg pa chen po'i chos kyi rnam grangs thams cad tshol ba dang / byang chub sems dpa'i smon lam dang spyod pa thams cad rim gyis gzhol zhing shin tu yangs pa'i ye shes kyi rgya mtsho la 'jug pa nas bla
217a6 na med pa'i byang chub 'thob pa'i bar du 'gyur ro/ /sangs rgyas kyi zhing nyan thos dang / rang sangs rgyas kyi theg pa dang bral ba dang / lha'i bdud kyi 'khor thams cad dang bral ba dang / mu stegs can gyi 'khor thams cad dang bral ba dang / rin po che rnam pa sna tshogs kyis
217a7 brgyan cing shin tu mdzes pa dang / yang dag par lta ba dang ldan zhing ngo mtshar dang / bkra shis dang / tshul ngan pa'i lta ba sna tshogs dang / rtag par lta ba dang / chad par lta ba dang / bdag dang bdag gir lta ba thams cad yongs su spangs pa'i sems can dag zhing der skye
iiif viewer powered by OpenSeadragon
Texts on this page
D239 - 'dus pa chen po las sa'i snying po'i 'khor lo bcu pa zhes bya ba theg pa chen po'i mdo