rKTs

e-texts navigator

Volume

Page

216b₁ gos kyi tshal bu gyon cing skra dang kha spu bregs pa la 'khrul pa med par 'gyur ro/ /theg pa chen po'i chos la gong nas gong du 'phar zhing phyir mi ldog pa dang / rno ba'i shes rab dang / bsod nams kyi khyad par rtag tu skye zhing 'phel ba dang / ting nge 'dzin dang / gzungs dang / bzod pa dang /
216b₂ sa rnams thams cad la dbang du 'gyur zhing phyir mi ldog pa dang / rtag tu dge ba'i bshes gnyen dang phrad cing de'i rjes su slob pa dang / rtag tu sangs rgyas thams cad mthong ba dang mi 'bral zhing / byang chub sems dpa' dang / nyan thos kyi nye gnas mthong ba dang mi 'bral ba dang / chos
216b₃ thos pa dang mi 'bral ba dang / dge 'dun la mchod pa dang / bsnyen bkur byed pa dang mi 'bral ba dang / dge ba'i rtsa ba thams cad tshol ba la brtson pas sems mi ngoms pa dang / byang chub kyi spyod pa dang / smon lam rnam pa sna tshogs kyis sems mi ngoms par 'gyur te/ 'bras
216b₄ bu gzhan dag thob pa yang ji skad bstan pa bzhin no/ /rigs kyi bu gzhan yang byang chub sems dpa' sems dpa' chen po gang nam 'tsho'i bar du log par lta ba yongs su spangs na sems can thams cad kyis bkur zhing bla mar byed pa dang / sems rnam par dag cing log
216b₅ par rtog pa dang bral bar 'gyur te/ de'i dbang gis dge ba'i rtsa ba thams cad yongs su rdzogs par 'gyur ro/ /thog ma med pa'i mtha' nas rgyud lngar 'khor bar 'khor ba'i rgya mtshor 'bying ba yang log par lta ba'i dbang gis lus dang / ngag dang / yid kyi sdig pa mi dge ba'i
216b₆ las bdag kyang byed la gzhan yang byed du 'dzud cing mthong ba dang thos pa'i rjes su yi rang ba las byung ba'i nyon mongs pa'i sgrib pa dang / sems can gyi sgrib pa dang / chos kyi sgrib pa dang / yang dag par lta ba la sgrib pas bsgribs par gyur to/ /'di ltar log par lta ba yongs su spangs pa'i
216b₇ 'khor los lhag ma ma lus par bcom pas rnam par smin pa'i 'bras bu yongs su mi len te/ lus 'di nyid la yang lha dang mi la sogs pa kun dga' zhing yid du 'ong ba dang / dogs pa med par 'gyur ba dang / lus dang sems rab tu bde ba dang / sems rnam par dag cing

_{iiif viewer powered by OpenSeadragon}

216a - 217a

Texts on this page