rKTs

e-texts navigator

Volume

Page

215b₁ du gnod sems yongs su spangs na/ sems can thams cad kyis bkur zhing bla mar byed pa dang / sems rnam par dag pa dang / dri ma dang bral bar 'gyur te/ de'i dbang gis dge ba'i rtsa ba thams cad yongs su rdzogs par 'gyur ro/ /thog ma med pa'i mtha'
215b₂ nas rgyud lngar 'khor bar 'khor ba'i rgya mtshor 'bying ba yang gnod sems kyi dbang gis lus dang / ngag dang / yid sdig pa mi dge ba'i las bdag kyang byed la gzhan yang byed du 'dzud cing mthong ba dang thos pa'i rjes su yi rang ba las byung ba nyon mongs pa'i sgrib pa dang /
215b₃ sems can gyi sgrib pa dang / chos kyi sgrib pa dang / gnod sems byed pa la sgrib pas bsgribs par gyur to/ /'di ltar gnod sems yongs su spangs pa'i 'khor los lhag ma ma lus par yongs su bcom pas rnam par smin pa'i 'bras bu yongs su mi len te/ lus 'di nyid
215b₄ la yang lha dang mi la sogs pa kun dga' zhing yid du 'ong ba dang / dogs par mi 'gyur ba dang / sems rnam par dag pa dang / dri ma dang bral bar 'gyur ro/ /'chi 'pho ba'i dus byed pa na yang lus dang sems la sdug bsngal gyis mi gdung zhing yid du 'ong ba'i bu dang /
215b₅ chung ma dang / 'khor thams cad kyis yongs su bskor bas 'chi 'pho ba'i dus byed par 'gyur gyi/ shin tu 'jigs pa'i gshin rje'i pho nya mthong bar mi 'gyur ro/ /yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/
215b₆ bsod nams kyi zhing yang dag pa dang phrad de lus dang sems rab tu dga' ba dang / de la bkur sti dang bcas pas shin tu dad pa skye bar 'gyur ro/ /tshe 'phos nas kyang phyir mi'i nang du skye zhing dbang po yongs su rdzogs pa dang / yan lag dang ldan pa dang / gang nas gang
215b₇ du skyes par sems rnam par dag cing dri ma dang bral ba dang / byad gzugs bzang ba dang / yid gzhungs pa dang / rab tu bde zhing skyid pa dang / phyir yang yid du 'ong ba'i dge ba'i bshes gnyen chos kyis dul ba/ tshul khrims dang yon tan du ldan pa/ bsod

_{iiif viewer powered by OpenSeadragon}

215a - 216a

Texts on this page