| e-texts navigator |
| བོད་ཡིག |
61b1 de bzhin gshegs pa ni skyon thams cad spangs pa/ dri ma thams cad spangs pa/ rdul thams cad spangs pa/ yongs su gdung ba thams cad dang bral ba/ nyon mongs pa med pa/ dbang du gyur pa/ zhi ba/ dang ba/ yongs su dag pa/ rnyog pa med pa/ rnam par gsal ba ste/
61b2 gang de bzhin gshegs pa rnams la 'khrul pa'am/ ca co 'byung ba de ni gnas ma yin zhing skabs med do zhes thos pa 'di ni yang dag pa'o/ /'di ni de kho na'o/ /'di ni mi slu ba'o snyam ste/ gnas 'di la nem nur med/ the tsom med de de ltar na de bzhin gshegs pa'i gsung gi
61b3 gsang ba la mngon par dad do/ /ji ltar na byang chub sems dpa' de bzhin gshegs pa'i yid kyi gsang ba la mngon par dad ce na/ de 'di ltar sems so/ /gang 'di de bzhin gshegs pa'i yid kyi gsang ba de bzhin gshegs pas ci dgongs pa'i don gang sems dang 'grogs pa/
61b4 sems la gnas pa de ni de bzhin gshegs pa'i byin gyi rlabs kyis gyur pa ma gtogs par nyan thos dang / rang sangs rgyas thams cad dang / byang chub sems dpa' thams cad dang / sems can thams cad kyis shes par mi nus so/ /de ci'i phyir zhe na/ rigs kyi bu de
61b5 bzhin gshegs pa ni zab cing gting dpag dka' ba/ brtag par bya ba ma yin pa/ rtog ge'i spyod yul las shin tu 'das pa/ dpag tu med pa/ rgya che ba/ yangs pa/ nam mkha'i dbyings dang mtshungs pa/ rtog ge thams cad kyi yul las 'das par thos pa 'di ni
61b6 yang dag pa'o/ 'di ni de kho na'o/ /'di ni mi slu ba'o snyam ste/ gnas 'di la nem nur med the tsom med pa yin te/ de ltar na de bzhin gshegs pa'i yid kyi gsang ba la mngon par dad do/ /ji ltar na byang chub sems dpa' byang chub sems dpa'i yang dag par bsgrub pa la
61b7 mngon par dad ce na/ de 'di ltar sems so/ /gang 'di lta ste/ byang chub kyi rgyu/ byang chub kyi gzhi/ byang chub kyi phyir byang chub sems dpa' de dag sems can gyi don la mngon du phyogs pa dang / sems can gyi bya ba dang / sems can gyi byed pa dang / yongs su mi skyo
iiif viewer powered by OpenSeadragon
Texts on this page
D231 - 'phags pa dkon mchog sprin zhes bya ba theg pa chen po'i mdo