rKTs

e-texts navigator

Volume

Page

60b₁ byed/ byang chub sems dpa' rnams ngag gis 'jam par smra zhing sems kyis zhe la non te shar gnyer ba ma yin/ byang chub sems dpa' rnams lus kyis des pa ston cing sems kyis 'khon gyi mdud par 'dzin pa ma yin/ byang chub sems dpa' rnams lus kyis ri mor bya ba ston
60b₂ cing sems kyis brnyas par byed pa ma yin/ byang chub sems dpa' rnams tshul mi 'chos/ kha gsag mi byed/ 'jungs pa dang phrag dog gis kun tu glags pa ma yin/ sgyu dang g.yos mi spyod/ byang chub sems dpa' rnams 'thab smyan mi byed/ phan tshun du dpar ba
60b₃ 'jug pa ma yin gyi/ byang chub sems dpa' rnams ni lus kyis kyang ri mo byed pa yin/ ngag gis kyang yang dag pa'i don smra ba las su rung ba yang sgrub bo/ /byang chub sems dpa' rnams de bzhin gshegs pa'i bstan pa la skur pa'i phyir zhugs pa ma yin pas de bzhin gshegs
60b₄ pa'i bstan pa la skur pa dang bral ba rnams yin no/ /ji ltar na de bzhin gshegs pa'i bstan pa la skur pa ma btab pa yin zhe na/ 'di la byang chub sems dpa' bla na med pa yang dag par rdzogs pa'i byang chub tu sems bskyed de/ skra dang kha spu bregs/ gos ngur smrig dag gyon nas yang
60b₅ dag par dad pas de bzhin gshegs pa'i bstan pa la rab tu 'byung ngo / /de rab tu 'byung ba na rgyal pos mnar ba med par rab tu 'byung / rkun pos gtse ba med pa dang / bu lon gyis gtse ba med pa dang / 'jigs pas gtse ba med pa dang / 'tsho ba med pa'i 'jigs pas skrag pa med par
60b₆ rab tu 'byung ngo / /de dang de rab tu byung nas dge ba ci yin zhes 'tshol ba yin te/ de dge ba ci yin zhes tshol bas dge ba'i bshes gnyen rnams la bsnyen par byed/ sten par byed/ bsnyen bkur byed do/ /de dag las chos kyang nyan to/ /thos nas kyang nan tan du byed/ nga rgyal
60b₇ gyi zil gyis gnon pa yin te/ de nga rgyal dang bral bas ma log par 'dzin pa yin/ ma log par 'dzin pas lam shin tu rtogs pa thob bo/ /de lam shin tu rtogs pas chos nyid thob bo/ /chos nyid thob pas na/ bla na med pa yang dag par rdzogs pa'i byang chub tu nges par 'gyur

_{iiif viewer powered by OpenSeadragon}

60a - 61a

Texts on this page