rKTs

e-texts navigator

Volume

Page

57b₁ pa'i seng ge'i sgra gang gis bdag tu 'dzin pa la mngon par chags pa'i gzhan mu stegs can gyi rnams dang / gzhan mu stegs can gyi wa thams cad phyogs bcur 'byer bar 'gyur ba de lta bu sgrog ste/ byang chub sems dpa' seng ge ni bdag tu 'dzin pa las bzlog par bya ba dang /
57b₂ sems can gzhan dag gdul ba'i dbang du bya ba ma gtogs par de dag la gnod pa bya ba'i phyir bdag med pa'i seng ge'i sgra mi sgrog go/ /rigs kyi bu 'di lta ste/ dper na seng ge ni kun tu lta yang mi 'jigs pa yin no/ /de bzhin du byang chub sems dpa' seng ge yang spyod pa yongs su
57b₃ dag pa'i nan tan la lta yang mi 'jigs pa yin no/ /rigs kyi bu 'di lta ste/ dper na seng ge ni rang bzhin gyis nags tshal dang / nags tshal gyi 'dab na rgyu ba yin no/ /de bzhin du byang chub sems dpa' seng ge yang rang bzhin gyis dben pa la mngon par phyogs shing nags tshal
57b₄ dang / nags tshal gyi 'dab na spyod pa yin no/ /rigs kyi bu 'di lta ste/ dper na seng ge ni ri'i phug na gnas pa yin no/ /de bzhin du byang chub sems dpa' seng ge yang ye shes kyi brag ri'i phug na gnas pa yin no/ /rigs kyi bu 'di lta ste/ dper na seng ge ni mi len par 'gro
57b₅ ba yin no/ /de bzhin du byang chub sems dpa' seng ge yang nyon mongs pa'i khur thams cad bor zhing len pa med par 'gro ba yin no/ /rigs kyi bu 'di lta ste/ dper na seng ge ni gcig pu gnyis su med pa bdag gi brtson 'grus dang / stobs dang / mthu thob pas pha rol gyi sde 'joms
57b₆ so/ /de bzhin du byang chub sems dpa' seng ge yang gcig pu gnyis su med par byang chub kyi snying po la 'dug nas bdag gi brtson 'grus dang / stobs dang / mthu thob pas bdud kyi sde 'joms so/ /rigs kyi bu 'di lta ste/ dper na grong gi 'dab gang na seng ge rgyu ba der
57b₇ phra mo dag gis lo thog rnams chud mi gzon to/ /de bzhin du byang chub sems dpa' seng ge yang yul dang yul gyi phyogs gang na 'dug pa der mu stegs can gyi phra mo dag gis dge ba'i chos kyi lo thog chud mi gzon te/ rigs kyi bu de ltar na byang chub sems dpa' bag mi tsha ba

_{iiif viewer powered by OpenSeadragon}

57a - 58a

Texts on this page