| e-texts navigator |
| བོད་ཡིག |
56b1 bya'o/ /de bzhin du byang chub sems dpa' nye ba'i nyon mongs pa rnams thams cad du thams cad nam med par gyur pa de'i tshe na zag pa zad ces bya'o/ /rigs kyi bu 'di lta ste/ dper na nyi ma shar na 'dzam bu'i gling gi sems can rnams la snang bar byed do/ /de bzhin du byang chub sems
56b2 dpa' nyi ma shar na yang sems can thams cad la ye shes kyi snang ba byed cing / gti mug gi mun pa'i rab rib kyis khebs pa rnam par sel to/ /rigs kyi bu 'di lta ste/ dper na nyi ma shar na 'od thams cad kyi 'od med par byed kyang nyi ma ni ngas 'od thams cad kyi 'od mi snang bar bya'o snyam du mi
56b3 sems mod kyi/ 'on kyang chos nyid thob pas 'od med par 'gyur ro/ /de bzhin du byang chub sems dpa' nyi ma shar na yang mu stegs can ngan pa'i 'od dang / mu stegs can ngan pa'i lugs thams cad 'od med par 'gyur mod kyi/ byang chub sems dpa'i nyi ma ni ngas 'di dag 'od med
56b4 par bya'o snyam du mi sems mod kyi/ 'on kyang chos nyid thob pas 'od med par 'gyur ro/ /rigs kyi bu 'di lta ste/ dper na nyi ma shar na 'dzam bu'i gling gi mi rnams la mnyam pa dang mi mnyam pa legs par ston to/ /de bzhin du byang chub sems dpa' nyi ma shar na yang sems can
56b5 thams cad la ye shes kyi snang bas mnyam pa dang / mi mnyam pa legs par ston to/ /rigs kyi bu mnyam pa zhes bya ba 'di ni 'phags pa'i lam gyi tshig so/ /rigs kyi bu mi mnyam pa zhes bya ba 'di ni lam ngan pa'i tshig so/ /rigs kyi bu 'di lta ste/ dper na nyi ma
56b6 shar na rmo brko ba'i las kyi mtha' thams cad 'byung ngo / /de bzhin du byang chub sems dpa' nyi ma shar na yang dge ba'i chos las kyi mtha' thams cad 'byung ngo / /rigs kyi bu 'di lta ste/ dper na nyi ma shar na skye bo dge ba ni dga' bar 'gyur la/ mi srun pa'i rang bzhin can dag mi dga'
56b7 bar 'gyur ro/ /de bzhin du byang chub sems dpa' nyi ma shar na yang / skye bo dge ba rnams dang / mkhas pa rnams dang / shes rab kyi rang bzhin can rnams ni dga' bar 'gyur la/ lam ngan par zhugs pa rnams dang / mi srun pa'i rang bzhin can rnams dang / byis pa'i rang bzhin can rnams
iiif viewer powered by OpenSeadragon
Texts on this page
D231 - 'phags pa dkon mchog sprin zhes bya ba theg pa chen po'i mdo