| e-texts navigator |
| བོད་ཡིག |
215a1 @##/ /rgya gar skad du/ Ar+ya ma hA me g+ha sU trA da da sha dig bo d+hi sa twa sa mu dra san ni ba ti ma hot+sa ba bi krI Di ta nA ma pa ri brta/ bod skad du/ 'phags pa sprin chen po'i mdo las phyogs bcu'i byang chub sems dpa' rgya mtsho 'dus pa'i dga' ston chen po la rtse ba zhes bya ba'i le'u/ sangs
215a2 rgyas dang / byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das rgyal po'i khab na bya rgod kyi phung po'i ri la 'od srung chen po la sogs pa dge slong gi dge 'dun chen po sa ya phrag brgyad dang / skye dgu'i bdag mo chen mo la
215a3 sogs pa dge slong ma sa ya phrag drug dang lnga 'bum dang / byang chub sems dpa' sprin chen snying po la sogs pa byang chub sems dpa' sa ya phrag drug dang / brgyad 'bum dang / seng ge la sogs pa lid tsa bI gzhon nu sa ya phrag lnga dang / brgyad 'bum dang thabs cig tu bzhugs so/ /
215a4 de'i tshe rgyal po chen po 'phags skyes po la sogs pa rgyal chen bzhi pa'i lha'i bu 'bum phrag tshad med/ grangs med pa dag bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te phyogs gcig tu 'khod do/ /lha'i bu de dag thams cad
215a5 kyang theg pa chen po la mngon du phyogs pa dang / theg pa chen po la yang dag par zhugs pa'i byang chub sems dpa' sems dpa' chen po sha stag go/ /yang de'i tshe sum cu rtsa gsum gyi gnas nas lha'i dbang po brgya byin la sogs pa sum cu rtsa gsum gyi ris kyi lha'i bu 'bum phrag tshad med grangs
215a6 med pa dag bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/ phyogs gcig tu 'khod do/ /lha'i bu de dag thams cad kyang theg pa chen po la mngon du phyogs pa dang / theg pa chen po la yang dag par zhugs pa'i byang chub
215a7 sems dpa' sems dpa' chen po sha stag go / yang de'i tshe 'phrul dga'i lha'i ris nas lha'i rgyal po rab 'phrul dga' la sogs pa lha'i bu 'bum phrag tshad med grangs med pa dag bcom ldan 'das ga la ba der dong ste lhags nas/ bcom ldan 'das kyi zhabs la mgo bos phyag 'tshal te/
iiif viewer powered by OpenSeadragon
Texts on this page
D233 - 'phags pa sprin chen po'i mdo las phyogs bcu'i byang chub sems dpa' rgya mtsho 'dus pa'i dga' ston chen po la rtse ba zhes bya ba'i le'u