| e-texts navigator |
| བོད་ཡིག |
214b1 sems can rnams 'byung bar 'gyur ro/ /dag cing bzod pa chen po'i rnyed pa thob pa dag 'byung bar 'gyur ro/ /sa gzhi yang nor bu rin po che thams cad las grub par 'gyur te/ 'dzam bu'i chu bo'i gser gyi me tog dang / pad ma thams cad kyis spros par 'gyur ro/ /de bzhin gshegs pa de yang tshe dpag tu
214b2 med par 'gyur ro/ /de bzhin du mi rnams kyi tshe yang tshad med par 'gyur ro/ /de bzhin gshegs pa de ni grong khyer gtsang ma bsung ldan du bzhugs par 'gyur ro/ /bcom ldan 'das de'i smon lam gyi khyad par gyis na ma 'ongs pa'i sems can gyi tshogs mang po dag gis de bzhin gshegs pa de'i mtshan thos pa
214b3 tsam gyis rang gi lus las shi 'phos ma thag tu 'jig rten gyi khams gtsang ma sbyong ba der grong khyer gtsang ma bsung ldan du skye bar 'gyur zhes nga smra'o/ /ngan song bzhi yang de dag gi spyod yul gyi sar mi 'gyur ro/ /sprin chen snying po de bas na nga ni bcom ldan 'das de'i 'jig rten gyi khams gtsang ma sbyong ba dang /
214b4 bskal pa gtsang zhing bden pa'i mtshams zhes bya ba dang / de bzhin gshegs pa gtsang zhing bden pa'i mtshams 'phel bar mdzad pa zhes bya ba yon tan gzung ba smra'o/ /de nas 'khor chen po'i nang nas lha dang mi'i tshogs tshad med pas bcom ldan 'das la mchod pa chen po'i las byas te gar byas/ glu blangs
214b5 nas bcom ldan 'das de'i byang chub sems dpa'i spyod pa la sems bskyed do/ /'di ni ma 'ongs pa'i sems can bye ma snyed dag lung ston pa sprin chen po'i mdo tsheg bar brgyad par sbyar ba'i le'u 'bum pa las lung bstan pa'i rgyud yin no/ /bcom ldan 'das kyis de skad ces bka' stsal nas/ sprin chen
214b6 snying po la sogs pa lha dang / klu dang / gnod sbyin dang / dri za dang / lha ma yin dang / nam mkha' lding dang / mi 'am ci dang / lto 'phye chen po dang / mi dang / mi ma yin pa rnams yi rangs te/ bcom ldan 'das kyis gsungs pa la mngon par bstod do/ /'phags pa sprin
214b7 chen po zhes bya ba theg pa chen po'i mdo rdzogs so/ / //rgya gar gyi mkhan po su ren dra bo d+hi dang / zhu chen gyi lo ts+tsha ba ban de ye shes sdes zhus te gtan la phab pa// //
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo