| e-texts navigator |
| བོད་ཡིག |
214a1 'gyur 'di'i ming yang ji skad ces bgyi bar 'gyur/ bcom ldan 'das de'i 'jig rten gyi khams ni ci 'dra bar 'gyur/ bka' stsal pa/ lha mo 'di ni bskal pa grangs med pa phrag lnga brgya 'das pa na stong gsum gyi stong chen po'i 'jig rten gyi khams 'dir bla na med pa yang dag par rdzogs pa'i byang chub
214a2 mngon par 'tshang rgya bar 'gyur te/ de bzhin gshegs pa dgra bcom pa yang dag par rdzogs pa'i sangs rgyas/ rig pa dang zhabs su ldan pa/ bde bar gshegs pa/ 'jig rten mkhyen pa/ skyes bu 'dul ba'i kha lo sgyur ba bla na med pa/ lha dang mi rnams kyi ston pa/ sangs rgyas bcom ldan 'das gtsang zhing bden
214a3 pa'i mtshams 'phel bar mdzad pa zhes bya bar 'gyur ro/ /'jig rten gyi khams mi mjed 'di yang 'jig rten gyi khams gtsang ma sbyong ba zhes bya bar 'gyur ro/ /bskal pa ni gtsang zhing bden pa'i mtshams zhes bya bar 'gyur te/ 'jig rten gyi khams gtsang ma sbyong ba de 'byor par 'gyur/ rgyas par 'gyur/ bde ba dang /
214a4 nyams dga' ba dang / lo legs pa dang / skye bo dang / mi mang pos gang bar 'gyur ro/ /'byor cing rgyas par gyur pa de'i tshe 'dzam bu'i gling 'dir grong khyer gtsang ma bsung ldan zhes bya ba zhig 'byung bar 'gyur te/ grong khyer gtsang ma bsung ldan du mi bye ba brgya stong phrag dgu bcu rtsa brgyad 'byung bar 'gyur ro/ /dpe
214a5 med pa'i grong khyer der ra ba dang / yang tog dang / bla 'tshogs dang / 'obs dpe med pa dag kyang 'byung bar 'gyur ro/ /dag cing nyon mongs pa zhi bar byed pa'i chu'i klung nag po bzang zhes bya ba ni de'i tshe gtsang ma bzang po zhes bya bar 'gyur te/ 'gram pha rol tshu rol dpe med pa'i shing ljon pa'i kun dga' ra ba nyams
214a6 dga' ba dang ldan par 'gyur ro/ /'jig rten gyi khams gtsang ma sbyong ba de yang 'di lta ste dper na dga' ldan gyi lha rnams kyi longs spyod dang / yongs su spyod pa bzhin te/ ri dang / rdo dang / bong ba dang / gyo mo dang / gseg ma la sogs pa med par 'gyur zhing mu stegs can gyi ming yang med par 'gyur ro/ /nyan thos dang / rang
214a7 sangs rgyas thams cad kyi ming yang mi grag par 'gyur ro/ /skyes pa dang bud med dag gi byang chub sems dpa'i dge 'dun yang 'byung bar 'gyur ro/ /de na nyan thos dang / rang sangs rgyas shes pa'i gtam gyi ming yang med de/ theg pa chen po'i mdo'i gtam rgyas par ston par 'gyur ro/ /bdud dang phyir rgol ba bcom pa'i
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo