| e-texts navigator |
| བོད་ཡིག |
213b1 bslab pa'i gzhi lnga bzung nas dbul po la sogs pa khyim bkol gyi sems can thams cad gang dang gang la ci dang cis don du 'gyur ba de dang de la de dang de byin nas 'du shes bcu'i bsdu bas bsdus te spyod par byed cing / sems can bye ba phrag mang po dag rim bzhin du btul te sems can de dag gi dge ba'i rtsa ba yongs su smin par
213b2 shes nas/ sprin chen snying po'i mdo 'di la sogs pa de bzhin gshegs pa thams cad kyis gsungs pa mtshungs pa med pa'i mdo rin po che'i dam pa'i chos bstan pa 'byung bar bya ba'i phyir ci'i thabs kyis kyang mtshungs pa med pa'i sgra sgrogs par byed cing / mtshungs pa med pa'i glegs bam bris pa'i snod sangs rgyas kyis gang dang
213b3 gang du byin gyis brlabs pa'i gnas rnams su 'jog par byed de/ de ltar mtshungs pa med pa'i sa bon bskyed nas de'i 'og tu 'chi ba'i dus byed par 'gyur ro/ /de'i tshe lha mo lo tog 'byor ma shes rab chen mo thabs mkhas pa zab mo shes pa dang ldan pa'i lha mos bud med kyi lus las ldog par 'gyur ro/ /sprin chen snying
213b4 pos gsol pa/ bcom ldan 'das ci lha mo 'di sems can thams cad kyi dad pa bskyed pa'i slad du cho 'phrul chen po bgyis nas yongs su mya ngan las 'da' bar 'gyur ram/ bka' stsal pa/ sprin chen snying po ci lha mo 'di cho 'phrul chen po byed mi nus zhes khyod smra'am/ bcom ldan 'das de ni ma lags so/ /bka' stsal pa/
213b5 sprin chen snying po lha mo 'di cho 'phrul chen po ston mi nus so zhes de skad ma zer cig /'on kyang 'dul ba'i dbang gis ni mi 'dod do/ /de ci'i phyir zhe na/ 'dzam bu'i gling 'di na lha mo 'di la sogs pa dge slong ngam/ dge slong ma tshul khrims dang ldan par gyur nas yongs su mya ngan las 'da' bar mi 'gyur ba'i sems can
213b6 de gang yang med de de ni gnas med do/ /sprin chen snying po de bas na ma 'ongs pa'i sems can bsod nams chung ngu thams cad kyi dad pa bskyed pa'i phyir mdo 'di las byang chub sems dpa' rnams lung bstan par byed do zhes nga smra'o/ /sprin chen snying po de'i tshe lha mo 'di bud med kyi lus las bzlog nas de bzhin
213b7 gshegs pa 'od dpag med kyi sangs rgyas kyi zhing 'jig rten gyi khams bde ba can du skye ba len par 'gyur te/ 'jig rten gyi khams der bde ba nyams su myong nas rim gyis sangs rgyas su 'gyur ro/ /gsol pa/ bcom ldan 'das thabs la mkhas pa dang ldan pa'i lha mo 'di yun ji srid cig na sangs rgyas su
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo