| e-texts navigator |
| བོད་ཡིག |
212b1 thabs la mkhas pa 'di ni lha mo dri ma med pa'i 'od 'di lung bstan pa yongs su gzung ba dang / sems can thams cad yid dang bar bya ba dang / sems can thams cad la phan pa dang / bde bar bya ba dang / nges par bsgral ba dang / ting nge 'dzin 'di la mchod pa bya ba'i phyir 'ongs so/ /gsol pa/ lha mo dri
212b2 ma med pa'i 'od gang du bud med kyi lus las ldog par 'gyur ba bcom ldan 'das de bzhin gshegs pas lung bstan tu gsol/ bka' stsal pa/ sprin chen snying po bud med kyi lus las gang du ldog par 'gyur zhes de ltar ma lta shig gsol pa/ bcom ldan 'das 'o na ji lta bu lags/ bka' stsal pa/
212b3 'di ni bud med ma yin te/ lha mo dri ma med pa'i 'od 'di ni bskal pa bye ba phrag grangs med pa nas byang chub sems dpa'i bya ba byed pa yin te/ sems can 'dul ba'i dbang gis bud med kyi lus 'dzin pas na 'di ni thabs kyi lus yin par blta'o/ /ting nge 'dzin 'di la gnas pa'i byang chub sems dpa' sems dpa'
212b4 chen po ni rtag tu thabs thams cad la 'jug pa'i phyir sems kyi smon lam gyis smon par byed de 'dod bzhin du bud med kyi lus kyi 'du shes la 'jug go/ /de ltar bud med kyi lus bsgrub pa'i bsam pa las 'jug kyang 'dod pa'i sems kyis gos par mi 'gyur zhing 'dres par yang mi 'gyur ro/ /
212b5 gsol pa/ sems can thams cad kyi don gyi slad du lha mo dri ma med pa'i 'od lung bstan pa rigs dang / grong dang bcas par cho ga bzhin du bcom ldan 'das kyis 'dir bshad du gsol/ bcom ldan 'das kyis bka' stsal pa/ lha mo dri ma med pa'i 'od 'di ni nga thabs kyis yongs su mya ngan las 'das pa'i
212b6 'og tu lo bdun brgya lon pa na lho phyogs kyi rgyud du yul 'khor mun pa can zhes bya ba zhig 'byung bar 'gyur te/ yul 'khor chen po de na chu klung nag po bzang zhes bya ba zhig yod pa de'i lho phyogs kyi 'gram na grong khyer dpal yon can nges pa zhes bya bar khams kyi rgyal po bde spyod ces bya ba'i rigs
212b7 su 'byung bar 'gyur te/ khams kyi rgyal po de'i rigs rabs gsum lon pa na rgyal po dpal 'phel zhes bya ba zhig 'byung bar 'gyur te/ rgyal po de'i bu mo snying du sdug cing byams la yid du 'ong ba dang / gnang ba dang mchog tu mdzes shing gzugs bzang la rigs kyi spyod pa'i tshul phun sum tshogs pa skyong
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo