| e-texts navigator |
| བོད་ཡིག |
212a1 nas/ bcom ldan 'das kyi zhabs la mgo bos phyag 'tshal te/ bcom ldan 'das la 'di skad ces gsol to/ /bcom ldan 'das de bzhin gshegs pa ni don ma mchis par 'dzum pa mi mdzad na/ 'dzum pa mdzad pa'i rgyu gang lags/ rkyen gang lags/ ci'i slad du ni
212a2 'od zer rnams byung bar gyur/ bcom ldan 'das kyis bka' stsal pa/ 'di ni snga ma'i tshe nub phyogs nas byang chub sems dpa'i mar gyur pa'i 'od chen po byung ba mthong nas khyod kyi yid la ngo mtshar du gyur te/ bcom ldan 'das 'di su'i snga ltas lags zhes zer ba de nyid kyi don dang /
212a3 sems can thams cad la phan pa'i phyir nga 'dzum pa mdzad do/ /gsol pa bcom ldan 'das kyis byang chub sems dpa' mi mchog de mchi shig par bka' stsal du gsol/ bka' stsal pa/ byang chub sems dpa' 'di ni nub phyogs logs na de bzhin gshegs pa dgra bcom pa yang dag par
212a4 rdzogs pa'i sangs rgyas 'od dpag med ces bya ba 'jig rten gyi khams bde ba can zhes bya ba de na da ltar 'tsho zhing gzhes te chos kyang ston pa'i de bzhin gshegs pa dgra bcom pa yang dag par rdzogs pa'i sangs rgyas des btang ste/ bcom ldan 'das shAkya thub pa 'jig rten gyi khams mi mjed na da
212a5 ltar 'dzam bu'i gling pa'i mi bsod nams chung ngu rnams la phan pa dang / bde ba dang / yid dang ba skye bar bya ba'i phyir sprin chen po zhes bya ba'i sangs rgyas thams cad kyi tshul gyi chos chen po ston gyis song la ting nge 'dzin 'di yang zung shig ces gsungs so/ /sprin chen snying po khyod kyis 'di'i rang bzhin gyi
212a6 lus mthong ngam/ gsol pa bcom ldan 'das 'di'i rang bzhin gyi lus kyi ngo bo la dpag tshad sa ya phrag dgu dang dgu 'bum mchis te/ lus che zhing snang ba chen por gda' ba mthong lags na/ bcom ldan 'das kye ma byang chub sems dpa' lus che ba 'di'i ming ni ci zhes bgyi/ gal te tha mal
212a7 pa'i lus 'di 'dra ba lags na bsgyur ba'i lus ci 'dra bar 'gyur/ ji ltar sems can thams cad la sman pa'i slad du mchis pa/ sems can thams cad la sman pa'i slad du bcom ldan 'das kyis bshad du gsol/ bcom ldan 'das kyis bka' stsal pa/ byang chub sems dpa' 'od mtha' yas zhes bya ba
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo