rKTs

e-texts navigator

Volume

Page

211b₁ par yang sems can rnams kyis shes so/ /sprin chen snying po de bas na zab mo brtan pa'i chu'i rgya mtsho'i dus tshod kyi ting nge 'dzin 'di la gnas pa'i byang chub sems dpa' la ni 'jug pa'i gnas kyi gzhi gcig tu chad pa med de/ nyan thos dang / rang sangs rgyas kyi yul gyi rgyu ba la rgyu bar mi byed do/ /'jig rten
211b₂ dang 'thun par 'jug pa'i bya ba du ma dang / sems can thams cad nges par bsgral ba'i phyir ni rgyu bar yang byed de/ rtag tu 'jig rten thams cad dang 'thun par 'jug cing gang dang gang du gdul bar bya ba rnams snang ba de dang der yang bdag nyid ston te/ de bas na mtshan ma med pa'i 'du shes la spyod pa zhes bya'o/ /
211b₃ gang gis mtshan ma'i dngos po ngan pa'i 'du shes mthong ba des ni yang dag par mthong ngo zhes nga smra'o/ /lha mo dri ma med pa'i 'od 'di mtshan ma med pa'i ye shes ston pa de bzhin du de bzhin gshegs pa thams cad kyang ting nge 'dzin 'di la gnas pa'i byang chub sems dpa' la 'di ston par mdzad do/ /de nas sprin chen snying
211b₄ pos gsol pa/ kye ma bcom ldan 'das lha mo dri ma med pa'i 'od 'di ni shin tu mkhas te phra ba shes pa dang ldan zhing mtshan ma ma mchis pa'i ye shes kyi yul bsam gyis mi khyab pa la sgom par bgyid de/ shin tu legs par yang dag par mthong ba lags so/ /de nas de'i tshe bcom ldan 'das thams
211b₅ cad mkhyen cing thams cad mkhyen pa dang ldan pas 'dzum pa mdzad nas 'od 'phro ba sngon po dang ser po dang / dmar po dang / dkar po dang / leb rgan dang / shel dang / dngul gyi kha dog can bcom ldan 'das kyi zhal gyi sgo nas byung ste/ 'jig rten gyi khams mtha' yas mu med par 'od kyis khyab par gyur
211b₆ nas tshangs pa'i 'jig rten la thug pa'i bar du song ste slar yang log nas/ bcom ldan 'das la lan gsum bskor ba byas te/ bcom ldan 'das kyi spyi gtsug tu mi snang bar gyur to/ /de'i tshe sa rnam pa drug tu g.yos rab tu g.yos/ ldeg rab tu ldeg par gyur te/ rigs kyi bu dper na/ byang gi sgra mi snyan
211b₇ gyi gling rtag tu shin tu brgyan cing kho ra khor yug nas yongs su mdzes par byas pa de bzhin du stong gsum gyi stong chen po'i 'jig rten gyi khams 'di legs par brgyan par mthong ngo / /de nas de'i tshe byang chub sems dpa' sems dpa' chen po sprin chen snying po stan las langs te/ bla gos phrag pa gcig tu gzar

_{iiif viewer powered by OpenSeadragon}

211a - 212a

Texts on this page