rKTs

e-texts navigator

Volume

Page

211a₁ las 'da'o/ /lan bye ba phrag nyi khri chig stong du cha mnyam pa las yongs su mya ngan las 'das pas yongs su mya ngan las 'da' bar byed de/ rnam pa bzhi po 'di lta bus yongs su mya ngan las 'das pa chen por yongs su mya ngan las 'da' bar 'gyur la/ 'dod chags dang / zhe sdang dang /
211a₂ gti mug dang / cha mnyam pa la yang mi brten no/ /de ltar yongs su mya ngan las 'das pa chen po bzhi po dag gis bskal pa bye ba phrag du ma nas bya ba mthar phyin te/ 'dul ba'i dbang gis yongs su mya ngan las 'da' ba lta bur ston to/ /mi dge ba'i phyogs ji snyed yod par yongs su mya ngan las 'das
211a₃ pa yang de snyed de/ rtag tu skad cig dang / thang cig dang / yud tsam gyis yongs su mya ngan las 'da'o/ /de bas na rnam pa mang po dag gis yongs su mya ngan las 'da' bar byed la gtan du yongs su mya ngan las 'da' ba'i ming yang med pa'i phyir yongs su mya ngan las mi 'da'o/ /byang gi sgra mi snyan
211a₄ la lar ni bdud kyi las byed pa ltar bdag nyid ston te/ bdud sdig can yin par sems can rnams kyis shes kyang / bdud kyi las kyang mi byed do/ /'dod chags dang / zhe sdang dang / gti mug gi 'jigs pa la sogs pa mi dge ba'i phyogs ji snyed pa de snyed kyi bdud kyi las rtag tu byed la/
211a₅ shin tu gcod par byed pa'i bdud kyi las la rten pa yang ma yin no/ /'dzam bu'i gling dang / byang gi sgra mi snyan ji lta ba de bzhin du gling thams cad la yang sbyar bar bya'o/ /rgyal chen bzhi la la dag tu 'am/ de bzhin du sum cu rtsa gsum pa'i tshogs kyis yongs su bskor ba'i nang du lha'i dbang po brgya byin
211a₆ lta bur bdag nyid ston te/ lha rnams kyi dbang po brgya byin yin par sum cu rtsa gsum pa'i lha rnams kyis shes so/ /'jig rten skyong ba bzhi la yang de bzhin du sbyar ro/ /srid pa thams cad du yang srid pa thams cad kyi tshul du mngal du skye ba rnam par ston te/ srid pa thams cad kyi sems can rnams rang rang gi
211a₇ gzugs dang 'dra bar sems so/ /de bzhin du srid pa'i yan lag bcu gnyis kyi rang bzhin thams cad du yang bdag nyid ston cing sems can thams cad kyang khams kyi 'du shes la 'jug par byed la/ sems can gyi khams la yang mi gnas shing chos kyi dbyings yin la/ rtag tu chos kyi gtam byed

_{iiif viewer powered by OpenSeadragon}

210b - 211b

Texts on this page