rKTs

e-texts navigator

Volume

Page

207b₁ rnams nges par bsgral ba'i phyir rtag tu srid pa'i yan lag rnams su yang 'ong ngo / /'dzam bu'i gling la lar ni yon gnas lta bur ston te/ 'jig rten gyi yon gnas yin par sems can rnams kyis shes kyang / yon gnas kyi nga rgyal la yang mi spyod de nam sems can thams cad bla na med
207b₂ pa yang dag par rdzogs pa'i byang chub tu yon gnas su gyur pa de'i tshe bdag yon gnas kyi 'du shes la 'jug go snyam nas ma gos pa'i spyad pa la spyod de/ 'dzam bu'i gling la lar ni dge 'dun gyi dbyen byed pa lta bur ston te/ dge 'dun gyi dbyen byed par sems can rnams kyis shes
207b₃ kyang / sngon gyi bskal pa bye ba phrag grangs med pa nas dge 'dun gyi dbye na sngon cad kyang ma byas te dge 'dun la phan par bsgrub par spyod pa yin no/ /'dzam bu'i gling la lar ni de bzhin gshegs pa'i zhabs kyis reg pa'i rdul gud du 'dor bar byed pa lta bur ston te/ kye ma ngur smrig tsam
207b₄ 'chang zhing mi bzad pa'i las byed pa zhig yin par sems can rnams kyis shes kyang ngur smrig tsam 'chang ba yang ma yin te/ sems can thams cad la phan pa dang / bde ba ston pa yang yin no/ /de la sogs pa gzhan yang de bzhin gshegs pa'i zhabs kyi drung du chos mnyan pa thos na/ kye
207b₅ ma dge sbyong gau ta ma ni brda phrad dka' ba sha stag zer ro zhes 'phya ba lta bur ston te/ kye ma g.yengs pa shes rab rtul ba'i dge sbyong zhig yin par sems can rnams kyis shes kyang bskal pa bye ba phrag du ma nas de bzhin gshegs pa la phan pa dang / bde ba byed pa yang yin no/ /'dzam
207b₆ bu'i gling la lar ni de bzhin gshegs pa la zas dug can 'bul zhing bslab pa'i gzhi dang / pham pa'i 'gal ba byed pa lta bur ston te/ pham pa can du sems can rnams kyis shes kyang sems can thams cad kyi tshul khrims kyi sdom pa skyed par byed pa yang yin no/ /'dzam bu'i gling la
207b₇ lar ni de bzhin gshegs pa rnams kyi mdzad pa mang po ston pa lta bur ston te/ yang dag par ston pa po yin par sems can rnams kyis shes kyang yang dag par ston pa po yang ma yin te/ de bzhin gshegs pa'i rgyan byed pa yang yin no/ /'dzam bu'i gling la lar ni nyan thos dang / rang

_{iiif viewer powered by OpenSeadragon}

207a - 208a

Texts on this page