rKTs

e-texts navigator

Volume

Page

207a₁ byas so/ /'dzam bu'i gling la lar ni sbyangs pa'i yon tan bcu gsum yang dag par 'dzin pa lta bur ston te/ sbyangs pa'i yon tan can yo byad bsnyungs pa yin par sems can rnams kyis shes kyang / bskal pa bye ba phrag du ma nas sbyangs pa'i yon tan rdzogs shing rtag tu mnyam par
207a₂ bzhag pa yang yin no/ /'dzam bu'i gling la lar ni byang chub kyi snying por rtswa bting ba la 'dug pa lta bur ston te/ byang chub kyi snying po la 'dug par sems can rnams kyis shes kyang / rtag tu byang chub kyi bya ba mthar phyin par byas pa yang yin no/ /'dzam bu'i gling la lar ni bsam gtan dang
207a₃ ting nge 'dzin dang / snyoms par 'jug pa la snyoms par zhugs pa lta bur ston te/ bsam gtan dang / ting nge 'dzin dang / snyoms par 'jug pa la snyoms par zhugs par sems can rnams kyis shes kyang rtag tu snyoms par 'jug pa'i spyod pa du ma la spyod pa yang yin no/ /'dzam bu'i gling
207a₄ la lar ni yan lag dgu pa'i mdo 'chad pa lta bur ston te/ bcom ldan 'das kyis yan lag dgu pa'i mdo gsungs pa 'chad par sems can rnams kyis shes kyang rtag tu mdo du ma la sogs pa yang 'chad do/ /'dzam bu'i gling la lar ni bslab pa'i gzhi'i tshad nges par byed pa lta bur ston
207a₅ te/ bslab pa'i gzhi'i tshad nges par 'cha' bar byed par sems can rnams kyis shes kyang / chos kyi phung po brgyad khri bzhi stong gi mdo dag kyang rtag tu byed cing / bslab pa'i gzhi du ma dag kyang rtag tu 'cha' bar byed do/ /'dzam bu'i gling la lar ni byang chub kyi shing drung du bdud
207a₆ 'dul ba lta bur ston te/ bdud kyi sde pham par byas par sems can rnams kyis shes kyang / bdud kyi 'du shes gcig kyang mi 'byung ste/ nyon mongs pa'i bdud dang / phung po'i bdud la sogs pa bdud bye ba phrag du ma dag kyang rtag tu zad par byed do/ /'dzam bu'i gling la lar ni
207a₇ rgyun tu zhugs pa'i 'bras bu la sogs pa 'bras bu bzhi thob pa lta bur ston te/ 'bras bu bzhi thob par sems can rnams kyis shes kyang 'bras bu bzhi'i 'du shes kyang mi 'byung ste/ 'bras bu'i bya ba du ma dag la yang spyod cing phyir mi 'ong ba yang ma yin la/ sems can

_{iiif viewer powered by OpenSeadragon}

206b - 207b

Texts on this page