rKTs

e-texts navigator

Volume

Page

206b₁ lta bur ston te/ grang ba dang tsha ba la sten par sems can rnams kyis shes kyang bskal pa bye ba phrag du ma la sogs pa nas grang ba dang tsha ba'i 'jigs pa yang rnam par spangs so/ /'dzam bu'i gling la lar ni bkres pa dang skom pas sred cing zhen pa dang ldan par ston te/ bkres shing skom
206b₂ pas gdungs par sems can rnams kyis shes kyang bskal pa bye ba phrag du ma nas bkres pa dang skom pa'i 'du shes kyis 'jigs pa'i klung gi rgyun las kyang rgal nas rtag tu bkres pa dang skom pas sred par gyur pa'i 'byung po thams cad kyi kha zas su gyur cig ces zer ro/ /'dzam bu'i gling la
206b₃ lar ni sbyin pa'i pha rol tu phyin pa spyod pa la rtsom pa lta bur ston te/ kye ma sbyin pa la brtson pa'i sems can yin par sems can rnams kyis shes kyang bskal pa bye ba phrag du ma nas kyang pha rol tu phyin pa du ma rtag tu spyad pas pha rol tu phyin pa bcu po rnams la sems can rnams sdud pa'i rgyur gyur to/ /
206b₄ 'dzam bu'i gling la lar ni 'khor los sgyur ba'i rgyal srid kyi tshul ston te/ 'khor los sgyur ba'i rgyal por sems can rnams kyis shes kyang de 'khor los sgyur ba'i rgyal po phal gyi spyad pa yang mi spyod de/ rtag tu phyir mi ldog pa'i chos kyi 'khor los sgyur ba'i rgyal po byed cing sems can
206b₅ thams cad kyang byed du 'jug go/ /'dzam bu'i gling la lar ni de lta bu'i rgyal srid phun sum tshogs pa shin tu rgya che ba dag kyang rtswa bzhin du bor nas rab tu byung ba'i gzugs dang mtshan ma ston par byed de/ la lar ni rab tu byung ba lta bu/ la lar ni rab tu ma byung ba lta bur sems can rnams
206b₆ kyis shes so/ /'dzam bu'i gling la lar ni ya mtshan can thams cad kyi rab tu byung ba lta bur lta ba ngan pa rab tu 'byung ba la rab tu byung bar sems can rnams kyis shes kyang ya mtshan can thams cad 'thun par rab tu byung ba yang ma yin te de dag nges par bsgral ba'i phyir rab tu 'byung ngo / /'dzam
206b₇ bu'i gling la lar ni de bzhin gshegs pa rab tu 'byung bar rtsom pa lta bur ston te/ de bzhin gshegs pa rab tu 'byung bas rab tu 'byung bar sems can rnams kyis shes kyang / bskal pa bye ba phrag du ma nas de bzhin gshegs pa'i rab tu 'byung ba'i bya ba yang mthar phyin par

_{iiif viewer powered by OpenSeadragon}

206a - 207a

Texts on this page