rKTs

e-texts navigator

Volume

Page

205a₁ gyi phyir mtshan mar lta ba 'dzin pa'i 'du shes smra bar byed/ smras pa/ sems can thams cad la phan par bya ba'i phyir ro/ /smras pa/ gang bdag gi lta ba bsal bar mi nus pa des gzhan gyi lta ba sel bar 'gyur ba de ni gnas med do/ /bcom ldan 'das kyis bka' stsal
205a₂ pa/ sprin chen snying po de ni lha mos ji skad smras pa bzhin te/ ting nge 'dzin 'di la gnas pa'i byang chub sems dpa' gang yin pa de ni mtshan ma med pa'i 'du shes yang dag par mthong ba yin no/ /gsol pa/ bcom ldan 'das 'di la gnas pa'i byang chub sems dpa' rigs kyi bu'am/
205a₃ rigs kyi bu mo mtshan ma ma mchis pa'i 'du shes yang dag par blta bar 'tshal bas ji ltar yang dag par blta bar bgyi/ bka' stsal pa/ sprin chen snying po ting nge 'dzin 'di la gnas pa'i byang chub sems dpa' sems dpa' chen po ni stong gsum gyi stong chen po'i 'jig rten gyi khams su
205a₄ bdag nyid rnam pa du mar ston par byed do/ /gsol pa/ bcom ldan 'das ting nge 'dzin 'di la gnas pa'i byang chub sems dpa' stong gsum gyi stong chen po'i 'jig rten gyi khams su bdag nyid rnam pa du mar ji ltar ston par bgyid/ bcom ldan 'das kyis bka' stsal pa/ sprin chen
205a₅ snying po 'di lta ste/ dper na sgyu ma mkhan nam/ sgyu ma mkhan gyi slob ma nan tan du sbyangs pa mkhas pas rol mo'i nang du bdag nyid ror gyur par ston par byed/ bud med kyi lus rnam pa sna tshogs su yang ston par byed/ gcan gzan gyis zin pa dang / lus zhu ba dang / lus mi snang ba
205a₆ dang / tshig pa dang / bcad pa dang / gtub pa'i rnam pas pha rol 'drid pa lta bur gsang ba rnam pa sna tshogs kyi tshul du bdag nyid ston pa dag kyang mthong na/ der rgyus shes pa'i mis 'jigs par mi bya/ mya ngan du mi bya bar de la rig sngags kyi rang bzhin du blta bar bya'o/ /de bzhin du
205a₇ ting nge 'dzin 'di la gnas pa'i byang chub sems dpa' rtag pa nyid kyi lam la nan tan du sbyangs pas sems can rnams nges par bsgral ba'i phyir stong gsum gyi stong chen po'i 'jig rten gyi khams 'dir bdag nyid rnam pa sna tshogs kyi tshul du ston par byed de/ ting nge 'dzin 'di la gnas pa'i byang

_{iiif viewer powered by OpenSeadragon}

204b - 205b

Texts on this page