| e-texts navigator |
| བོད་ཡིག |
204b1 'od des snang bar byas so/ /sems can dmyal ba pa'i sems can gang dag gi lus la 'od des phog pa de dag thams cad kyang sdug bsngal rtse zhil bar gyur to/ /bcom ldan 'das dang 'khor gyi dkyil 'khor chen po'i nang du yang pad ma bkra zhing blta na sdug la kha dog bzang zhing yid du 'ong ba
204b2 'dab ma bye ba brgya stong phrag du ma dang ldan pa/ steng rin po che'i dra ba dri bsung dang ldan zhing 'jam la ka tsa lin di'i gos ltar reg na bde ba/ bkra zhing blta na sdug pa dag gis kun tu khebs pa bye ba phrag drug cu sa gzhi brtol te mngon par 'thon par gyur to/ /pad ma de dag re re las dri
204b3 ngad byung ba gang yin pa des kyang stong gsum gyi stong chen po'i 'jig rten gyi khams dris khyab par gyur to/ /stong gsum gyi stong chen po'i 'jig rten gyi khams 'di'i lha dang / klu dang / gnod sbyin dang / dri za dang / mi rnams kyi spos gang yin pa de dag thams cad kyang pad ma'i dri des khyab
204b4 par gyur to/ /lha dang / mi rnams dang / lha ma yin dang / nam mkha' lding dang / klu dang / gnod sbyin dang / dri za rnams dang / mi 'am ci dang / lto 'phye chen po gang dag gis snar pad ma'i dri de song ba de dag thams cad kyang chos kyi dga' ba dang / chos mnyan pa'i rgyu dang ldan par
204b5 gyur te bdag nyid nyon mongs pa dang bral ba snyam du shes so/ /de nas byang chub sems dpa' sems dpa' chen po sprin chen snying pos chos kyi 'od kyi bkod pa de mthong nas thal mo sbyar te bcom ldan 'das la 'di skad ces gsol to/ /bcom ldan 'das 'di ltar phyogs bcur 'od gda' ba 'di dang pad ma'i
204b6 bkod pa byung ba 'di su'i snga ltas lags/ de nas lha mo dri ma med pa'i 'od kyis sprin chen snying po la 'di skad ces smras so/ /'phags pa sprin chen snying po ci'i phyir bcom ldan 'das 'di su'i snga ltas lags zhes smra/ mtshan ma med pa'i chos rmi lam lta bu yin yang 'dri bar byed dam khyod la ni da
204b7 dung yang phyin ci log yod pa 'dra'o/ /smras pa/ lha mo legs so/ /legs so/ /de de bzhin te/ lha mo khyod legs so/ /kho bo ni rmi lam lta bu'i yul dag la mtshan mar lta ba 'dzin pa'i 'du shes bcom ldan 'das la zhu bar byed do/ /smras pa/ 'phags pa sprin chen snying po su'i don
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo