| e-texts navigator |
| བོད་ཡིག |
204a1 pa'i rigs kyi bu'am/ rigs kyi bu mos ni de bzhin gshegs pa'i ldem po ngag nor bu bzhin du rnyed par 'gyur ro/ /sprin chen snying po de bas na de bzhin gshegs pa rnams kyi shin tu lhag pa yang dag par mthong bar 'dod pas ni ting nge 'dzin 'di la gnas pa'i byang chub sems
204a2 dpa' la rtag pa dang / bdag dang / sems can du 'du shes bskyed par bya zhing thar pa'i 'du shes bskyed par bya'o// //'phags pa sprin chen po'i mdo/ bam po bcu pa ste tha ma/ rigs kyi bu gzhan yang ting nge 'dzin 'di la gnas pa'i byang chub sems
204a3 dpa' ni shing gi grib ma dang 'dra bar blta bar bya'o/ /de ci'i phyir zhe na/ shing yod na grib ma 'byung la/ grib ma yod na lam du zhugs par gyur te/ ngal bar gyur pa'i sems can der 'dug pa rnams dbugs phyin par 'gyur ro/ /de bzhin du de bzhin gshegs pa'i chos 'dod pa'i
204a4 sems can rnams kyang skyabs su 'gro bar 'gyur ro/ /sems can gang dag de bzhin gshegs pa yongs su mya ngan las 'das par lta ba'i sems can de dag la ni skyabs su 'gro ba tsam yang med do zhes nga smra'o/ /gang dag de ltar yang dag par mthong ba de dag ni bstan pa 'di la 'phro bar mi byed do/ /
204a5 gang dag yongs su mya ngan las 'da' ba'i 'du shes su lta ba'i sems can de dag ni mya ngan du bya ba yin no zhes yang dang yang du nga smra'o/ /de nas de'i tshe nub phyogs nas gser gyi 'od chen po zhig snang bar gyur te/ gser gyi 'od chen po des kyang stong gsum gyi stong chen po'i 'jig rten gyi khams
204a6 thams cad nor bu rin po che'i me'i 'od snang ba chen pos snang bar byas te/ de'i skabs su stong gsum gyi stong chen po'i 'jig rten gyi khams na de bzhin gshegs pa'i 'od gcig pu ma gtogs par de las gzhan pa zla ba dang / nyi ma rnams kyi 'od dang / brgya byin dang / tshangs pa dang /
204a7 'jig rten skyong ba rnams kyi 'od dang / klu dang / gnod sbyin dang / nam mkha' lding rnams kyi 'od thams cad mog mog por gyur te/ rtsig pa dang / shing dang / tshal gyi nang dang / lhun po dang / lhun po chen po dang / de bzhin du 'jig rten gyi bar mtshams de dag thams cad
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo