| e-texts navigator |
| བོད་ཡིག |
203b1 gzung bar gyis shig / yongs su gzung bar bya ba rtag pa dang / ther zug pa dang / brtan pa dang / bdag blang bar bya ba blang bar gyis shig /lta ba'i rten du gyur pa rtag pa dang / ther zug pa dang / brtan pa de la rten cig ces bstan te/ gsal ba'i don mi mngon par byas nas
203b2 gsal bar ngas bstan pa de 'jig rten gyis khong du mi chud de/ sems can bsod nams chung ngu dag ni thar pa la zad par sems shing de bzhin gshegs pa yod bzhin du yongs su mya ngan 'das so zhes yongs su mya ngan las 'das pa'i 'du shes la 'jug ste/ srog chags phye ma leb mar
203b3 me'i nang du ltung ba bzhin no/ /'di lta ste dper na tshong pa'i bu thams cad dpyid kyi dus tshigs su ga zhig tu 'dus nas rdzing bu chu chen po'i nang du khrus byed la/ de'i nang du gcig gis nor bu rin po che 'od thams cad dang ldan pa zhes bya ba bor nas/ nor bu rin po che de'i gzi brjid kyi mthus kyang rdzing
203b4 bu'i chu'i phung po dang / rus pa dang / gseg ma dang / gyo mo dang / rdo yod pa gang yin pa de dag thams cad rnam par mdzes par gyur te/ der zla ba dang / nyi ma'i 'od kyang lhan ne/ lhang nger mi 'dug go/ /de nas skye bo mang pos nor bu de btsal ba'i phyir brko ba dag gis rko bar byed de/ /
203b5 de'i nang nas ci yang rung ba zhig blangs nas nor bu de rnyed do snyam du sems te/ yid rab tu dga' bar byed do/ /de nas sems can de dag rdzing bu'i 'gram du 'khod nas so sor rlom sems su gyur na/ 'di ji snyam du sems bdag cag gis ma rnyed do snyam du sems par 'gyur ram/ de nas sems can
203b6 de dag thams cad kyis nor bu rin po che ma rnyed kyang kye ma nor bu rin po che ma rnyed do zhes nor bu med pa'i 'du shes 'jug cing rtog par byed dam/ de'i nang na thabs la mkhas shing yid gzhungs pa gcig gis ni nor bu rin po che de btsal te rnyed do/ /de bzhin du mdo dang / ting nge 'dzin thams cad kyi ldem po dag
203b7 gi tshig mi shes pa'i nyan thos dang / rang sangs rgyas thams cad kyis ni thams cad mi rtag pa dang / stong pa'i 'du shes dang / sems can med pa sgom par byed de/ de bzhin gshegs pa'i rtag pa nyid ma thob pas sems can thams cad 'khor lo bzhin du 'khor gyi/ ting nge 'dzin 'di la gnas
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo