| e-texts navigator |
| བོད་ཡིག |
202b1 snying po brtan pa'i dpe ni 'jig rten thams cad na med de/ de dang 'dra ba tsam gyi phyir dpe rnam pa lnga po 'di dag ngas dper byas mod kyi/ 'di la gnas pa'i byang chub sems dpa' la ni dpe med par rig par bya'o/ /gsol pa/ bcom ldan 'das de bzhin gshegs pas ci las
202b2 dgongs te thar pa la lcags kyi mar me gum pa'i tshul dang 'dra zhes gsung / bka' stsal pa/ nga ni thar pa la lcags kyi mar me shi ba'i tshul dang 'dra zhes mi zer gyi nyon mongs pa zad pa la zer ro/ /gsol pa/ bcom ldan 'das ci mkhyen bzhin du thar pa la mi gsung gi/ /nyon mongs pa zad
202b3 pa la gsung ngo zhes sho be gsung ngam/ da ltar ni 'di skad gsung la chos thams cad chu zla dang 'dra ste/ sgyu ma lta bu'o zhes kyang de bzhin gshegs pas gsungs so/ /bka' stsal pa/ chu zla dang 'dra ba dang / sgyu ma lta bu dang 'dra zhes bya ba ni nyon mongs pa zad pa la gsungs kyi chos
202b4 thams cad la ma gsungs te/ chos la la ni rtag /chos la la ni mi rtag ces nga smra'o/ /yang bka' stsal pa/ ji lta zhe na/ sems can gang dag thar pa'i phyogs su gtogs pa de dag ni rtag pa'i chos can yin no/ /gang dag sems can med pa dang / srog med pa'i phyogs su
202b5 gtogs pa de dag ni mi rtag pa'i chos can zhes nga smra'o/ /gsol pa/ dngos po ma mchis pa'i tshul du bka' stsal lags na/ ci las dgongs te bcom ldan 'das de bzhin gshegs pas lcags kyi mar me gum pa lta bu'i tshul du bstan pa mdzad/ bka' stsal pa/ de la dngos po ci zhig
202b6 yod/ gsol pa/ 'bru mar gyi snod dang / lcags kyi rang bzhin mchis so/ /bka' stsal pa/ sprin chen snying po legs so/ /legs so/ /de ltar lta bar 'dod pa'i byang chub sems dpas ting nge 'dzin 'di la gnas pa'i byang chub sems dpa' la dngos po'i rang bzhin dang 'dra bar
202b7 blta bar bya'o/ /gal te 'bru mar gyi snod dang / lcags kyi rang bzhin dang lhan cig tu mar me gum pa lta bu de thar pa'i tshul yin no zhes de bzhin gshegs pas bshad par gyur na ni de ltar na de bzhin gshegs pa chad par smra bar yang 'gyur ba zhig na/ sprin chen snying po ngas ni de skad ma bshad
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo