| e-texts navigator |
| བོད་ཡིག |
202a1 rigs kyi bu'am/ rigs kyi bu mos ni don 'di lta bur blta bar bya'o/ /gang dag de ltar mi lta ba de dag ni yang dag pa mthong ba ma yin no zhes nga smra'o/ /sems can de dag ni 'jig rten pa'i chos can dang / rmongs pa'i chos can yin par nga smra'o/ /gsol ba/ bcom
202a2 ldan 'das de bzhin gshegs pas ci las dgongs te/ 'di skad du dpe lnga po 'di dag ni de kho na yin zhes gsung / gal te de bzhin gshegs pa de skad gsung na ni 'di'i gtan tshigs bka' stsal 'tshal lo/ /'di ni sems can rnams la yang 'gal ba chen por 'gyur ro/ /de
202a3 ci'i slad du zhe na/ bcom ldan 'das kyis 'jig rten gyi bya ba thams cad ni mi rtag pa'i chos yin no zhes kyang bka' stsal na/ dpe lnga bo 'bru dang / shing la sogs pa 'bras bu nyid du gyur pa na de dag ji ltar slar 'jig par mi 'gyur/ gal te 'jig par 'gyur na ni sems can yang 'jig
202a4 par 'gyur bas de dang 'dra bar chos thams cad kyang mi rtag par yang dag par 'du bar 'gyur ro zhes bdag mchi ste/ zhig go 'tshal ni slar skye'o zhes bdag mchi'o/ /bdag ni sems can rnams la rnam pa gnyis su mi rtog ste/ 'dir gum pa rnams gzhan du skye ba so sor len par
202a5 'gyur ro zhes bdag mchi'o/ /de bas na chos thams cad ni mi rtag go zhes bdag mchi ste/ 'jig rten 'di na rtag pa'i chos ci'ang yang dag par ma mthong ngo / /gal te de ltar gyur na rtag pa dang / mi rtag pa'i don gnyis ka ma mchis so zhes bdag mchi mod kyi/ bcom ldan
202a6 'das kyi zhal nas sho be byung ngo zhes kyang ji skad bgyi/ bcom ldan 'das kyis bka' stsal pa/ sprin chen snying po ci dar gyi srin bu ltar bdag nyid dkri bar sems sam/ 'di na mi la la de 'dra ba'i phyir kye ma khyod kyi bzhin zla ba 'dra'o zhes zla ba las dpe len par byed la/ mi gzhan zhig
202a7 gis ni kye ma glang po che'i dbang po ri dang 'dra'o zhes ri las dpe len par byed na/ ci zla ba bzhin dang 'dra bar 'gyur ram/ ri yang glang po che dang 'dra bar 'gyur ram zhes brjod dgos so/ /gsol pa/ 'di ni dper bgyi ba lags zhes bdag mchi'o/ /bka' stsal pa/ sprin chen
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo