rKTs

e-texts navigator

Volume

Page

200b₁ pas rnam pa lngas yang dag par bstan par bya'o/ /lnga gang zhe na/ 'bru'i sa bon lta bu dang / shing gi sa bon lta bu dang / snum gyi khu ba lta bu dang / rin po che'i rnam pa lta bu dang / sbrul gyi pags pa rnying pa lta bu'o/ /'di lta ste dper na/ 'bras sA lu la sogs pa'i 'bru 'bras bu
200b₂ nas 'bru nyid du ma gyur gyi bar du mi brtan pa'i chos su yang dag par 'du zhing bgrang ste/ sems can rnams kyi bya ba'i don yang mi byed la/ phub ma med pa'i rang bzhin du gyur nas ni sems can rnams kyi bya ba'i don yang byed cing sa bon brtan pa'i chos kyi rnam grangs su yang bgrang bar
200b₃ 'gyur ro/ /de bzhin du chos thams cad mi 'thun par spyod cing nam ting nge 'dzin 'di ma thob kyi bar du ni mi brtan pa'i chos su yang dag par 'du zhing bgrang ste/ sems can rnams kyi skyabs byed par yang mi 'gyur la/ lta ba dang / the tsom dang / yongs su mya ngan las 'da' ba'i 'du
200b₄ shes dang / mi rtag pa dang / mi brtan pa'i rang bzhin gyi nyon mongs pa'i phub ma thams cad dang bral ba'i rang bzhin du gyur nas de phyin cad ni sems can rnams kyi the tsom thams cad kyang gcod par byed cing skyabs su gyur pa yang yin la/ rtag pa dang / ther zug pa dang / brtan pa dang / zhi
200b₅ bar gyur pa'i rang bzhin gyi sa bon du yang 'gyur zhing sems can du 'du shes pa la yang 'god par 'gyur te/ de ltar na chos thams cad 'bru'i sa bon dang 'dra ba yin no/ /sprin chen snying po gzhan yang 'di lta ste dper na/ shing ta la dang / a mra dang / spa'i 'bras bu
200b₆ la sogs pa ni dang po lcug gu skye ba nas nam 'bras bu'i rang bzhin du ma gyur gyi bar du mi brtan pa'i chos su yang dag par 'du zhing bgrang ste/ sems can rnams kyi bya ba'i don yang mi byed la/ shun lpags dang bral ba'i rang bzhin du gyur nas ni sems can rnams kyi bya ba'i don yang byed de/
200b₇ sa bon brtan pa'i chos su yang dag par 'du zhing bgrang bar 'gyur ro/ /de bzhin du chos thams cad mi 'thun par spyod cing nam ting nge 'dzin 'di ma thob kyi bar du mi brtan pa'i chos su yang dag par 'du zhing bgrang ste/ sems can rnams kyi skyabs byed par yang mi 'gyur la/ lta ba dang / the

_{iiif viewer powered by OpenSeadragon}

200a - 201a

Texts on this page