rKTs

e-texts navigator

Volume

Page

197a₁ can gang dang gang la ci dang cis don du 'gyur ba de dang de sbyin par bya ste/ bdag gi lus don med par ma gyur par sems can rnams kyi longs spyod kyi rgyur gyur cig ces sems skyed par byed do/ /gsol pa/ bcom ldan 'das kyis mdo'i gzhung lugs gzhan dag las
197a₂ dge slong dag mi'i lus ni shag shig tu gyur pa lta bu rnag can gyi lus yin te/ rdza mkhan gyi phub ma mi gces pa bor bzhin du dgos pa'i don dag la don du 'gyur ba med do zhes bka' stsal na/ 'di la gnas pa'i byang chub sems dpas bdag gi lus don med par ma gyur cig ces lus
197a₃ yongs su gtong ngo zhes bgyi ba bcom ldan 'das kyis ci las dgongs te de skad gsungs/ bka' stsal pa/ sprin chen snying po de ltar ma lta shig ting nge 'dzin 'di la gnas pa'i byang chub sems dpa'i lus ni chos kyi lus so/ /de ci'i phyir zhe na/ 'di la gnas pa'i byang chub sems dpa'i
197a₄ lus ni rus pa dang / sha dang / khrag 'dus pa ma yin te/ chos kyi dbyings yin pas na chos kyi lus yin gyi sha'i lus ma yin no zhes 'du shes bskyed par bya'o/ /gsol pa/ bcom ldan 'das de bzhin gshegs pas ci las dgongs te/ chos kyi lus yin gyi sha'i lus ma
197a₅ yin no zhes de skad bstan pa mdzad/ gal te chos kyi lus lags na ni sems can rnams la yang dgos par mi 'gyur ro/ /de ci'i slad du zhe na/ gzhung lugs gzhan dag las bcom ldan 'das kyis nam mkha'i bya rjes ni shin tu bsgrims te btsal kyang rnyed par mi 'gyur ro zhes
197a₆ bka' stsal te/ de lta lags pas gal te 'di la gnas pa'i byang chub sems dpa'i lus de 'dra ba zhig tu gyur na/ de lta bu'i mtshan nyid kyi chos kyi lus la ni sems can thams cad kyis kyang nam mkha'i bya'i rjes bzhin du gzhom pa 'am dbye bar mi nus so/ /bka' stsal pa/ sprin
197a₇ chen snying po de skad ma zer cig / 'di la gnas pa'i byang chub sems dpa'i lus sems can rnams la dgos pa de ni byin gyis brlabs pa'i lus yin par nges par rig par bya'o/ /gsol pa/ bcom ldan 'das de bzhin gshegs pas ci las dgongs te byin gyis brlabs pa'i

_{iiif viewer powered by OpenSeadragon}

196b - 197b

Texts on this page