rKTs

e-texts navigator

Volume

Page

196b₁ dpa' rnams ni sangs rgyas mang po la bsnyen bkur byas pa yin par rig par bya ba'i phyir ro/ /sprin chen snying po gzhan yang ting nge 'dzin 'di la gnas pa'i byang chub sems dpa'i yul la ltos/ ting nge 'dzin 'di la gnas pa'i byang chub sems dpa' sems dpa' chen po ni de bzhin gshegs
196b₂ pa'i yon tan rtag pa dang / ther zug pa dang / brtan pa dang / zhi ba bstan par bya ba'i phyir ting nge 'dzin 'di mi shes pa'i sems can rnams la khong du chud par bya'o snyam nas/ sems can gang dang gang la ci dang cis don du 'gyur ba de dang de dag la de dang de sbyin par bya'o snyam du dam bcas
196b₃ nas smon lam gyi phyir tshul khrims srung ste/ lag pa 'dod pa rnams la ni lag pa sbyin no/ /rkang pa 'dod pa rnams la ni rkang pa sbyin no/ /mig 'dod pa rnams la ni mig sbyin no/ /sha 'dod pa rnams la ni sha sbyin no/ /khrag 'dod pa rnams la ni khrag sbyin no/ /rkang 'dod pa rnams la ni rkang
196b₄ sbyin no/ /yan lag re re nas 'dod pa rnams la yang yan lag re re nas sbyin no/ /bran pho dang / bran mo 'dod pa rnams la yang bran du 'gro bar bar bya na nor ram 'bru rnams yongs su btang ba lta ci smos te/ de ltar gyur cig ces de'i phyir tshul khrims srung ngo / /gzhan yang 'jig rten
196b₅ dang 'thun pa'i bya ba du ma dag gis sems can gang dang gang la ci dang cis don du 'gyur ba de dang de la de dang de sbyin par bya'o/ /mi dga' ba med par yongs su gtang bar bya'o/ /phyis 'gyod pa med par sbyin par bya'o/ /rnam par smin pa la re ba med par sbyin par bya'o/ /sems can la
196b₆ phan gdags pa dang / sems can la snying brtse ba dang / de bzhin gshegs pa'i rtag pa nyid bstan pa'i phyir sbyin pa'i pha rol tu phyin pa spyad de/ sems can thams cad la bsdus nas de bzhin gshegs pa'i rtag pa nyid khong du chud par bya'o snyam mo/ /sprin chen snying po gzhan yang ting nge
196b₇ 'dzin 'di la gnas pa'i byang chub sems dpa' ni sems can thams cad la de bzhin gshegs pa'i rtag pa nyid yang dag par khong du chud par byed do/ /de ci'i phyir zhe na/ de 'di snyam du gzhan gyi don gyi phyir lag pa 'am/ rkang pa 'am/ bran pho dang / bran mo yang rung ste/ sems

_{iiif viewer powered by OpenSeadragon}

196a - 197a

Texts on this page