| e-texts navigator |
| བོད་ཡིག |
191b1 pa'i sems can rnams ni bsod nams chung ba ma yin no zhes nga smra'o/ /sprin chen snying po gzhan yang ma 'ongs pa'i sems can gang dag sprin chen po'i mdo 'di las tshigs su bcad pa'am/ tshig gi phyed thos na yid ches par byed pa'i sems can de dag las gud na ches dkon pa med do zhes nga
191b2 smra'o/ /gsol pa bcom ldan 'das de bzhin gshegs pas ci la dgongs te de skad bka' stsal/ bka' stsal pa/ de bzhin gshegs pa'i gsungs pa'i mdo las tshig gam/ tshig gi phyed la yang yid ches par byed pa gang yin pa de dag las gud na ches dkon pa med do/ /zhes nga smra ba
191b3 de la the tsom med do/ /de ci'i phyir zhe na/ sprin chen po'i mdo 'di'i ting nge 'dzin nam/ gzungs sam/ chos kyi sgo gang yang rung ba la nga la byas pa gzo ba rnams la yang dag pa'i don lung bstan pas lung bstan te/ de bzhin gshegs pas lung bstan pa thob pa'i sems can
191b4 rnams ni kye ma dge ba'i rtsa ba byas pa yin no snyam du 'dzin cing yid ches par byed pa ma 'ongs pa'i sems can de dag ni shin tu ches dkon pa yin par nga smra ste/ sprin chen snying po de las dgongs nas ma 'ongs pa'i sems can rnams bsod nams chung ba ma yin no zhes nga smra'o/ /gsol pa bcom ldan
191b5 'das zab mo brtan pa'i chu'i rgya mtsho'i dus tshod kyi ting nge 'dzin 'di la gnas pa'i byang chub sems dpa'i bsod nams mi zad pa nyan thos dang rang sangs rgyas thams cad kyis gting dpag par mi nus pa ni kye ma ngo mtshar to/ /bka' stsal pa/ sprin chen snying po de de bzhin te/ ting nge 'dzin 'di la gnas
191b6 pa'i byang chub sems dpa'i bsod nams mi zad pa shes pa 'am tshad gzung bar mi nus so/ /de ci'i phyir zhe na/ sprin chen snying po dper na rgya mtsho chen po'i chu'i nang du chu bab pa zad par mi 'gyur ba'i gting dpag par nus sam/ gsol pa bcom ldan 'das de ni de lta ma lags te nus par
191b7 mi 'gyur ro/ /sprin chen snying po sprin chen po'i mdo'i chu 'bab pa de'i gting yang dpag par mi nus la/ ting nge 'dzin 'di la gnas pa'i byang chub sems dpa'i bsod nams mi zad pa'i gting yang dpag par mi nus so/ /sprin chen snying po gzhan yang ting nge 'dzin 'di la gnas pa'i byang chub
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo