| e-texts navigator |
| བོད་ཡིག |
187a1 kyis gsol pa/ bcom ldan 'das bdag cag gis kyang dge slong 'dod cing byams pa la gnas pa de la bsnyen bkur dang g.yog bgyis te/ kun tu bsrung bar yang bgyi'o/ /bcom ldan 'das bdag cag gis kyang sangs rgyas kyi mthus bdud sdig can tshar gcad par bgyi'o/ /
187a2 chos ma lags pa'i phyogs mu ge'i mgo byi gdul dka' ba dmu rgod rnams yul nas bskrad par bgyi'o/ /bcom ldan 'das kyis bka' stsal pa/ lha'i bu dag legs so legs so/ /khyod kyis rkyen du bab par dam bcas shing smon lam btab ste/ dge slong 'dod pa'i skyes bu dam
187a3 pa de la ni lha rnams kyang srung ngo / /lha rnams kyang de'i bsngags pa brjod do/ /de bzhin gshegs pa yang nga'i nyan thos dka' ba byed pa yin no snyam du dgongs nas bsngags pa rjod par mdzad do/ /bcom ldan 'das kyis yang lha'i bu rnams la 'di skad ces bka' stsal to/ /lha'i bu dag
187a4 sems can gyi don 'dod pa'i rigs kyi bus ni dam pa'i chos kun tu bsrung bar bya'o/ /de nas lha'i bu mang po dag gis bcom ldan 'das la rin po che'i gdugs kyis mngon par bkab nas 'di skad ces gsol to/ /bcom ldan 'das yun ji srid cig na de bzhin gshegs pa'i sras
187a5 'od srung chen po dang 'dra ba'i dge slong 'byung bar 'gyur/ gang du ni skye bar 'gyur/ de'i ming ni ji skad ces bgyi bar gzung bar 'tshal/ bcom ldan 'das kyis bka' stsal pa/ lha'i bu dag nga 'das pa'i 'og lo brgya phrag mang po 'das pa na lho phyogs kyi rgyud du mkhar gyi rgyal po
187a6 bde spyod ces bya ba 'byung bar 'gyur te/ de'i tshe lo brgyad cu na dam pa'i chos nub par 'gyur ba'i lhag ma tsam du lus pa'i dus la bab pa de'i tshe nga'i nyan thos 'byung bar 'gyur te/ dam pa'i chos kyang 'byin par 'gyur/ chos kyi 'khor lo yang bskor bar 'gyur/ theg pa chen po yang
187a7 gzhan dag la rgyas par 'chad par 'gyur ro/ /mdo sde 'di lta bu dag bshad pa thos nas sngon gyi yang dag par rdzogs pa'i sangs rgyas rnams las gang dag thos pa de dag kyang phyi ma'i dus kyi tshe 'dzin par 'gyur/ kun chub par byed par 'gyur/ 'chang bar 'gyur/ klog par 'gyur/
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo