rKTs

e-texts navigator

Volume

Page

184b₁ pa'i sangs rgyas 'di dag gi mtshan rnams lag na 'chang bar bgyid pa de dag gi khyim na ni de bzhin gshegs pa rnams bzhugs lags so/ /bcom ldan 'das gang du de bzhin gshegs pa 'di dag gi mtshan thos nas yid ches par bgyid pa'i sa phyogs de dag ni rdo rje'i rang bzhin du 'gyur ro/ /
184b₂ bcom ldan 'das gang dag de bzhin gshegs pa dgra bcom pa yang dag par rdzogs pa'i sangs rgyas 'di dag gi mtshan rnams thos nas yid ches par bgyid par de dag kyang rdo rje lta bur 'gyur zhing mi phyed pa'i bzod pa yang thob par 'gyur ro/ /bcom ldan 'das gang dag yid ches par
184b₃ dka' ba'i mtshan 'di dag la dad par bgyid pa'i sems can de dag la ni bdag gis kyang bsnyen bkur dang g.yog bgyi'o/ /bcom ldan 'das kyis bka' stsal pa/ slob dpon lung ston pa kauN+Di n+ya legs so legs so/ /khyod kyis rigs kyi bu dang / rigs kyi bu mo de dag gi phyir
184b₄ yang dag pa'i sgrub pa dam bcas pa legs so/ /slob dpon lung ston pa kauN+Di n+ya gzhan yang de bzhin gshegs pa dgra bcom pa yang dag par rdzogs pa'i sangs rgyas 'di dag gi mtshan rnams 'chang ba la ni gang dang gang las 'jigs pa byung ba thams cad de dang de nyid du rab tu zhi bar 'gyur
184b₅ te/ de dag 'chang ba la ni lha rnams kyang srung ngo / /klu rnams kyang srung ngo / /gnod sbyin rnams kyang srung ngo / /de bzhin gshegs pa'i bar du yang srung bar mdzad do/ /de nas 'khor chen po'i nang nas lha'i bu mthong na dga' ba dri za'i rgyal po zhes bya bas/ bcom ldan 'das kyi zhabs
184b₆ la mgo bos phyag 'tshal nas/ bcom ldan 'das la 'di skad ces gsol to/ /kye ma bcom ldan 'das tshul 'di 'dra ba'i de bzhin gshegs pa de dag dang / tshul 'di 'dra ba'i mdo rnams de bzhin gshegs pa 'das pa'i 'og tu su dag 'chang bar 'gyur/ sems can ji lta bu
184b₇ dag 'chang bar 'gyur/ sems can ji lta bu dag gis ni nub par bgyid par 'gyur/ de nas sangs rgyas kyi mthus tshe dang ldan pa 'od srung chen pos lha'i bu mthong na dga' ba dri za'i rgyal po la 'di skad ces smras so/ /rigs kyi bu de bzhin gshegs pa dgra bcom pa yang dag par rdzogs

_{iiif viewer powered by OpenSeadragon}

184a - 185a

Texts on this page