| e-texts navigator |
| བོད་ཡིག |
182b1 rjes su yi rang bar gyis shig / rgyal po brtson 'grus chen po'i klu de ni nga'i nyan thos kyi mchog lid tsha bI gzhon nu 'jig rten thams cad kyis mthong na dga' ba 'di yin no/ /lha mos gsol pa/ sems can thams cad la sman pa'i slad du skyes bu chen po ming chen lung bstan pa bcom ldan 'das kyis
182b2 bshad du gsol/ bcom ldan 'das kyis bka' stsal pa/ lha mo ming chen lung bstan pa nyon la ji srid 'tsho'i bar du bsnyen bkur gyis shig dang / khyod kyis ming chen gyi cho 'phrul dang / yon tan chen po mngon du thob par 'gyur ro/ /lha mo ming chen ni sangs rgyas dang 'dra'o/ /lha mo ming
182b3 chen ni sangs rgyas kyi sku'i phyed dang 'dra'o/ /lha mos gsol pa/ bcom ldan 'das ming chen 'di lta bu la ji srid 'tsho'i bar du ji ltar bsnyen bkur bgyi/ bcom ldan 'das kyis bka' stsal pa/ ming chen 'di ni de bzhin gshegs pa klu rigs sgron ma'i nyan thos yin te/ nga'i nyan thos nga'i
182b4 lus kyi phyed dang 'dra ba ngal byas pa gzo ba ste/ da ltar gyi 'od srung chen po 'di yin gyis lha mo ji srid 'tsho'i bar du bsnyen bkur gyis shig /de nas de'i tshe 'khor chen po'i nang nas/ lha'i bu dbyug mchog ces bya ba 'khor stong dang ldan pas bcom ldan 'das la mchod pa'i las byas nas
182b5 tshigs su bcad pa 'di smras so/ /skra rtse tsam gyis rgya mtsho kun/ /bas bar gtug tu nus lags kyi/ /gzugs mang mnga' ba'i yon tan mtsho/ /tshig tsam gyis ni brjod mi nus/ /bstan pa 'di bshad pa na lha'i bu brgya stong phrag mang po dag gis thos nas bla na med pa yang dag par
182b6 rdzogs pa'i byang chub tu sems bskyed do/ /de nas de'i tshe bcom ldan 'das kyis slob dpon lung ston pa bram ze kauN+Di n+ya la 'di skad ces bka' stsal to/ /slob dpon lung ston pa kauN+Di n+ya khyod kyis rnyed pa legs par rnyed kyis mngon par dad par gyis shig /ma 'ongs pa'i dus na sems
182b7 can rnams bsrung ba'i phyir khyod las glengs te srung ba'i mtshan nyid bshad de/ slob dpon lung ston pa kauN+Di n+ya sangs rgyas kyi zhing 'di nas lho phyogs su 'jig rten gyi khams gang gA'i klung bcu'i bye ma snyed 'das pa na 'jig rten gyi khams mngon par dang ba zhes bya ba yod de/ de na de bzhin gshegs pa
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo