| e-texts navigator |
| བོད་ཡིག |
182a1 mchog tu 'gyur la chos kyi lugs ji lta ba bzhin du rgyal po byed par 'gyur ro/ /de nas lha mos 'di skad ces gsol to/ /bcom ldan 'das de'i ming ci skad ces bgyi bar gzung bar bgyi/ bka' stsal pa/ lha mo dge bsnyen gyi rgyal po mya ngan med ces bya bar 'gyur te/
182a2 lha mo phyed kyi 'khor los sgyur ba'i rgyal po mya ngan med ces bya ba des chos kyi bstan bcos pa'i seng ge'i sgra chen po thog mar sgrogs par byed cing mngon par mchod par byed do/ /de nas lha mos 'di skad ces gsol to/ /sems can thams cad la sman pa'i slad du rgyal po brtson 'grus chen po'i klu
182a3 lung bstan pa bcom ldan 'das kyis bshad du gsol/ bcom ldan 'das kyis bka' stsal pa/ lha mo khyod nyid thog mar je lung bstan gyis nyon cig /de nas lha mo ngo tsha nas mgo smad do/ /bcom ldan 'das kyis bka' stsal pa/ lha mo legs so legs so/ /ngo tsha ba ni chos thams
182a4 cad kyi mchog yin gyis lha mo khyod legs so/ /lha mo khyod ni rgyal po brtson 'grus chen po'i klu'i btsun mo dam par gyur to/ /sprin chen po'i mdo las 'byung ba zab mo bstan pa'i chu'i rgya mtsho'i dus tshod kyi ting nge 'dzin gyi yul la ltos/ lha mo nga 'das pa'i 'og tu khyod dge ba'i rtsa ba dang smon lam
182a5 gyi khyad par des/ be yi zhes bya ba de'i grong na gnas pa'i rje'u rigs su skye bar 'gyur te/ 'khor los sgyur ba'i rgyal po'i btsun mo'i gzugs thob nas nges pa dang / nye bar gnas pa dang / bslab pa'i gzhi bcas pa blangs nas grong khyer dang / grong rdal dang bcas par 'byor cing rgyas la
182a6 bud med kyi gzugs kyis rgyal srid mngon par spyod de/ mu stegs can ngan pa'i tshogs thams cad mngon par 'dul zhing dam pa'i chos kyi sgron ma rab tu 'bar bar byed la bcom ldan 'das kyi bstan pa la mchod pa byed de/ chos kyi sgra chen po bsgrags nas byang chub sems dpa'i spyod pas rang gi
182a7 rgyal srid yang dag par srung zhing yongs su skyong bar byed la 'jig rten dang 'thun par bya ba spyod par 'gyur te/ lha mo rgyal po brtson 'grus chen po'i klu'i gzi brjid kyi mthus khyod bsam gyis mi khyab pa la mngon par rtse bar gyur pa yin gyis/ lha mo chos kyi rgyal po brtson 'grus chen po'i klu la
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo