| e-texts navigator |
| བོད་ཡིག |
181b1 rgyal po'i chos lugs spyad de rgyal srid mngon par spyad la chos kyi sgra chen po mngon par sgrogs par gyur cig ces byas so/ /de nas de'i tshe ming chen gyis 'di snyam du sems bskyed de/ bcom ldan 'das ma 'ongs pa'i dus na bdag bcom ldan 'das shAkya thub pa'i bstan pa la nyan thos kyi mchog tu gyur
181b2 te/ de bzhin gshegs pa'i mthus de bzhin gshegs pa'i bsam gyis mi khyab pa'i yul la rnam par 'phrul pa'i seng ge'i sgra chen po mchog gis 'bras bu yod par chos ston pa'i cho ga de lta bu'i bsam gyis mi khyab pa'i yul gtso bor gyur pa'i yon tan dang ldan par gyur nas bdag gis
181b3 seng ge'i sgra mngon par bsgrags la/ de bzhin gshegs pa'i bstan pa'i khur lci ba yun ring por khyer bar gyur cig ces byas so/ /lha mo dge ba'i rtsa ba des na khyod gtogs pa bzhi nga'i bstan pa la dka' ba mang po byed cing skye bo phal dang 'thun par byed pa yin te/ lha mo khyed bzhi
181b4 ni da lta 'ba' zhig kyang ma yin gyi/ 'das pa'i dus na yang nga la rnam pa mang por bya ba byas shing nga'i bstan pa'i khur gyi bkod pa la smon lam btab pa yin gyis/ lha mo sems mngon par dad par gyis la sangs rgyas mang po la bsnyen bkur byas par shes par gyis shig /de nas lha mos
181b5 bcom ldan 'das la 'di skad ces gsol to/ /bdag gi bsam pa dang bar 'gyur ba dang / skye bo mang po la sman par 'gyur ba'i slad du bdag cag bzhi gang lags pa bcom ldan 'das kyis bshad du gsol/ bcom ldan 'das kyis bka' stsal pa/ lha mo legs so legs so/ /lha
181b6 mo khyod legs kyis khyod gtogs pa bzhi lung bstan pa'i cho ga'i rim pa lha mo khyod kyis nyon cig / lha mo khyod gtogs pa bzhi'i yon tan gyi che ba nyid la ltos/ blon po chen po dam pa'i chos kyi dkyil 'khor gyi mdzod de ni slob dpon lung ston pa bram ze kauN+Di n+ya yin par rig par bya'o/ /lha
181b7 mo slob dpon lung ston pa bram ze kauN+Di n+ya yang nga 'das pa'i 'og lo brgya nyi shu lon pa na mo'u r+ya'i rigs zhes bya ba phyed kyi 'khor los sgyur ba'i rigs su skye bar 'gyur te/ lha mo mo'u r+ya'i rigs su skyes nas kyang phyed kyi 'khor los sgyur ba'i rgyal por 'gyur te/ lha mo mo'u r+ya'i rigs kyi rgyal po'i
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo