rKTs

e-texts navigator

Volume

Page

178a₁ pa'i ldem po ngag gi sgo'i yul gyi chos bstan pa la ltos/ de nas de'i tshe 'khor thams cad kyis bcom ldan 'das la mchod pa chen po'i las byas nas kha 'thun par tshigs su bcad pa 'di smras so/ /bdud rnams bye ba phrag brgyas kyang / /dge 'dun dbye bar mi nus te/ /
178a₂ sems can rnams la sman slad du/ /las kyi rgyu ba'ang ston par mdzad/ /de nas bcom ldan 'das kyis byang chub sems dpa' sprin chen snying po la 'di skad ces bka' stsal to/ /sprin chen snying po legs so legs so/ /de de bzhin te/ sprin chen snying po de bzhin gshegs pa'i yul nyan thos
178a₃ dang / rang sangs rgyas thams cad dang mi mtshungs pa dang / lha sbyin gyi yon tan gyi che ba nyid de bzhin gshegs pa'i ldem po ngag gi gzhi gzhag pa'i phyi rol gyi sems can thams cad kyi the tsom gcad pa'i phyir shin tu legs par bshad pa legs so legs so/ /sprin chen snying po gzhan yang
178a₄ zab mo bstan pa'i chu'i rgya mtsho'i dus tshod kyi ting nge 'dzin gyi yul la gnas pa'i byang chub sems dpa' sems dpa' chen pos ni ri'i rgyal po ri rab de tsam du mtho zhing / de tsam du rgya che la/ de tsam du yul du byas pa/ de tsam du btsan pa yungs 'bru'i nang du chud par byed de/ 'on kyang yungs 'bru'i
178a₅ nang na yang skye bar mi 'gyur zhing / bya ba byed pa de dag kyang snang la/ rgyal chen bzhi pa dang / sum cu rtsa gsum pa rnams kyis kyang bdag cag gang du bcug pa dang / bdag cag gang na 'khod pa yang mi tshor ro/ /sems can gzhan dag gis ni ri'i rgyal po ri rab yungs 'bru'i nang du bcug
178a₆ par yang shes shing mthong ngo / /sprin chen snying po zab mo bstan pa'i chu'i rgya mtsho'i dus tshod kyi ting nge 'dzin gyi rnam par thar pa'i yul la 'jug pa la ltos/ sprin chen snying po gzhan yang zab mo brtan pa'i chu'i rgya mtsho'i dus tshod kyi ting nge 'dzin gyi yul la gnas pa'i byang chub sems dpa' ni rgya mtsho chen po
178a₇ bzhi'i chu'i phung po 'di ba spu gcig gi khung du chud par byed de/ 'on kyang nya dang / ru sbal dang / sbal pa dang / chu srin byis pa gsod dang chu srin dang chu srin sa la pa dang / o da ka dang / chu sbrul dang / ti ri ka ra la sogs pa dang / de bzhin du chu'i srog chags gzhan dag la yang

_{iiif viewer powered by OpenSeadragon}

177b - 178b

Texts on this page