rKTs

e-texts navigator

Volume

Page

177b₁ glang po che mchog gis bzod par zad do/ /bram ze chen po de bzhin du de bzhin gshegs pa'i ldem po ngag gi rwas brdung ba ni nyan thos dang / rang sangs rgyas thams cad kyi bong bus shin tu mi bzod de/ de bzhin gshegs pa'i ldem po ngag gi rwas brdungs pa ni de bzhin gshegs pa dang
177b₂ 'dra bas bzod par zad do/ /bram ze chen po de bzhin gshegs pa'i yon tan gyi che ba nyid la ltos/ bram ze chen po byang chub sems dpa' sems dpa' chen po ser po chen po byang chub sems dpa'i 'khor gyis bskor ba la bzod pa gsol cig /bram ze chen po dge slong ngam/ dge slong
177b₃ ma'am/ dge bsnyen nam/ dge bsnyen ma gang la la lha sbyin gyi yon tan gyi che ba nyid mi shes pa de dag ni sangs rgyas byung ba'i phyed thob tsam du zad pa yin par rig par bya'o/ /mig ya gcig par rig par bya'o/ /mi lus kyi phyed thob pa yin par rig par bya'o/ /bram ze chen po gzhan yang
177b₄ lha sbyin gyi yon tan gyi che ba nyid la ltos/ sems can thams cad kyis ni de bzhin gshegs pa'i gnod pa bzod par yang mi nus/ de bzhin gshegs pa'i yon tan gyi che ba nyid shes par yang mi nus/ sems can thams cad kyis ni de bzhin gshegs pa'i yul mthong bar yang mi nus/ de
177b₅ bzhin gshegs pa la blta bar yang mi nus so/ /bram ze chen po lha sbyin gyis de bzhin gshegs pa'i gnod pa bzod par yang nus so/ /de bzhin gshegs pa'i yon tan gyi che ba nyid kyang rtogs so/ /nyan thos dang / rang sangs rgyas thams cad kyi yul ma yin pa de bzhin gshegs pa
177b₆ thams cad kyi rnam par 'phrul pa la yang rnam par 'phrul par byed do/ /de bzhin gshegs pa thams cad kyi phrin las yang dag par ston par yang nus so/ /de bzhin gshegs pa'i yul dang 'dra ba'i skyes bu chen po yin par yang blta bar bya'o/ /'dul ba'i dbang gis de bzhin gshegs pa gang
177b₇ dang gang du snang bar 'gyur ba de dang der skyes bu chen po de yang de bzhin gshegs pa'i phyi bzhin du 'brang zhing snang bar 'gyur ro/ /bram ze chen po de bzhin gshegs pa'i yul ni kho bo cag gis kyang bstan par mi nus te/ de bzhin gshegs pa'i thabs yin par blta bar bya'o/ /de bzhin gshegs

_{iiif viewer powered by OpenSeadragon}

177a - 178a

Texts on this page