rKTs

e-texts navigator

Volume

Page

177a₁ tu med pa/ bgrang ba las shin tu 'das pa srid du sems can dmyal bar shin tu bsreg par 'gyur ba'i rigs na/ bram ze chen po de bzhin gshegs pa ni bskal pa brgya stong phrag bye ba grangs med pa mang po yun ring po nas dgra las 'das pa yin la/ de bzhin gshegs pa
177a₂ dang lha sbyin sems can dmyal ba na bsregs pa gnyis kyang phrad par ga la 'gyur te de ni gnas med do/ /bram ze chen po gzhan yang gal te lha sbyin sdig pas 'tsho ba zhig yin du zin na skyes pa'i rabs brgya stong du de bzhin gshegs pa dgra bcom pa yang dag par rdzogs pa'i sangs rgyas dang / lha sbyin
177a₃ lhan cig tu phrad cing 'grogs par yang ji ltar 'gyur te de ni gnas med do/ /de ci'i phyir zhe na/ ji tsam du lha sbyin bcom ldan 'das bgrongs par sems pa de tsam du sems can dmyal bar nges par bsreg par 'gyur bas na/ ji ltar sems can dmyal ba yang nyams su myong la de bzhin gshegs pa
177a₄ bgrongs par yang ji ltar sems par rung ste/ mi de gnyis ji ltar na mas kyang phrad par mi 'gyur ba de bzhin du bram ze chen po lha sbyin de lta bu dang / de bzhin gshegs pa yang brgya lam na yang phrad par 'gyur ba de ni gnas med do/ /bram ze chen po gzhan yang gal te lha sbyin sdig can gcig tu
177a₅ zin na/ shar phyogs su 'gro ba bzhin du lha sbyin de sems can dmyal bar 'gro bar 'gyur bar rig par bya'o/ /gang nub phyogs su 'gro ba lta bu de ni de bzhin gshegs pa yin par rig par bya'o/ /de la grong khyer gang yin pa de ni rtag tu 'jigs pa med pa'i grong khyer yin par rig par bya ste/
177a₆ 'di ni thabs yin par blta bar bya'o/ /sangs rgyas kyi yul 'di ni kho bo cag gis kyang bsam par mi nus par rig par bya'o/ /lha sbyin ni de bzhin gshegs pa'i yul yin gyi/ nyan thos dang / rang sangs rgyas kyi yul ma yin no/ /bram ze chen po byang chub sems dpa' sems dpa' chen
177a₇ po ser po chen po zhes bya bas gdams ngag bstan nas byang chub sems dpa' drug sde rnams kyi 'khor gyis bskor ba la rjes su yi rang bar gyis shig / bram ze chen po dper na/ glang po che mchog la brdeg par bya ba gang yin pa de ni bong bus shin tu mi bzod de/ glang po che mchog la brdeg par bya ba ni

_{iiif viewer powered by OpenSeadragon}

176b - 177b

Texts on this page