rKTs

e-texts navigator

Volume

Page

176b₁ dbyen byed pa yang ma yin no/ /lha sbyin drug sde dang bcas pa ni shAkya'i rigs ston pa yin no/ /skye bo phal pa yang dud 'gror skye bar 'gyur ba yongs su mi spyod na shAkya'i rigs su skyes la/ de bzhin gshegs pa'i zhabs kyi drung nas rab tu byung ba 'di lta bu'i las la sbyor ba lta ci smos te de ni gnas med
176b₂ do/ /lha sbyin drug sde dang bcas pas shin tu byams par byas pa yin no/ /lha sbyin ni ngur smrig 'chang ba tsam du zad pa yang ma yin no/ /lha sbyin ni mu ge'i mgo byi yang ma yin no/ /lha sbyin drug sde dang bcas pa ni so sor thar pa'i sdom pas bsdams pa yin no/ /lha sbyin ni sdig pa la nges pa yang ma
176b₃ yin no/ /lha sbyin ni sdig pa 'dod pa yang ma yin no/ /lha sbyin drug sde dang bcas pa ni de bzhin gshegs pa'i thabs kyi dge slong yin par rig par bya'o/ /byang chub sems dpa' thams cad ni rtag tu yang mngon par shes pa rnams kyis sems can dmyal ba na rtse bar byed de/ 'di ni byang chub sems
176b₄ dpa'i spyod yul yin par blta'o/ /lha sbyin ni sems can dmyal bar 'gro ba yang ma yin no/ /bram ze chen po gzhan yang ltos dang / dper na yul gzhan gyi 'dron pa mi gnyis shig grong khyer gzhan zhig na 'dug 'dug pa las phyir rang rang gi yul du 'gro bar chas te/ gcig ni nub
176b₅ phyogs su song / gcig ni shar phyogs su song na/ ji tsam du song ba de tsam du grong khyer dang shin tu ring bar 'gyur ro/ /ji tsam du song ba de tsam du mi de gnyis phyir phrad par 'gyur ba de ni gnas med do/ /bram ze chen po de bzhin du de bzhin gshegs pa dang lha sbyin gnyis kyang gal te/ thabs
176b₆ shig ma yin du zin na khyad che bar mngon no/ /bram ze chen po gzhan yang 'dir mi la la zhig gis srog gcod pa byas na lo brgya phrag mang por sems can dmyal bar bsreg par 'gyur la/ bsod nams byas na lo bye ba snyed du mtho ris su mngon par rtse bar 'gyur bas na bram ze chen po de bzhin
176b₇ gshegs pa ni yon tan bsam gyis mi khyab pa dang ldan zhing bag chags kyi tshogs kyis bsgos pa ma yin pas/ gal te de bzhin gshegs pa la lha sbyin gyis bgrongs par bsams suzin na/ de ltar sems gcig bskyed pa tsam gyi las kyi 'bras bu des kyang lo bye ba phrag grangs med dpag

_{iiif viewer powered by OpenSeadragon}

176a - 177a

Texts on this page