| e-texts navigator |
| བོད་ཡིག |
176a1 la soms shig / lha sbyin drug sde'i 'khor dang bcas pa ni de bzhin gshegs pa la shin tu byas pa gzo ba yin no/ /lha sbyin ni mchog tu dga' ba byed pa yin no/ /lha sbyin ni de bzhin gshegs pa'i rigs la snying brtse ba can yin no/ /lha sbyin ni de bzhin gshegs
176a2 pa'i phrin las kyi mtha' yin no/ /lha sbyin ni de bzhin gshegs pa'i yon tan gyi bdag nyid chen po ston pa yin no/ /lha sbyin drug sde'i 'khor dang bcas pa ni sems can bye ba phrag mang po bsod nams la rab tu 'god pa yin no/ /bram ze chen po sems can thams cad kyis ni de bzhin
176a3 gshegs pa dgra bcom pa yang dag par rdzogs pa'i sangs rgyas rnams la khrag 'byin mi nus so/ /de bzhin gshegs pa'i sku ni shing drung gi grib ma lta bur blta ste/ 'di ni thabs yin par blta bar bya'o/ /bram ze chen po shAkya'i rigs 'di ni dag cing rnam par dag la bsam gyis mi khyab bo/ /
176a4 shAkya'i rigs kyi nang na ni tshul khrims 'chal pa 'ga' tsam yang med de mi srid do/ /de bzhin gshegs pa ni 'bras bu yod pa'i chos ston pa yin no/ /de bzhin gshegs pa ni tsan dan dang bai dUr+ya lta bu'i 'khor dang ldan pa yin no/ /de bzhin gshegs pa ni mi phyed pa'i 'khor dang ldan pa yin no/ /de bzhin
176a5 gshegs pa ni seng ge'i rigs kyi rgyal po chen po dang / stag lta bu'i 'khor dang ldan pa yin no/ /de bzhin gshegs pa ni nyan thos dang / rang sangs rgyas thams cad kyi yul bsam gyis mi khyab pa'i 'khor dang ldan pa yin no/ /de bzhin gshegs pa'i 'khor ni me mdag thal bas g.yogs pa lta bur
176a6 blta'o/ /de bzhin gshegs pa ni bla na med pa'o/ /de bzhin gshegs pa ni thams cad mkhyen pa'o/ /de bzhin gshegs pa ni thams cad mkhyen pa nyid do/ /de bzhin gshegs pa las rab tu byung ba'i sems can rnams la ni tshul khrims 'chal pa mi srid de/ de dag thams cad ni yul zab
176a7 mo shes pa thams cad la rab tu 'god pa sha stag ste/ de'i phyir yang de bzhin gshegs pa ni thams cad mkhyen pa nyid do/ /bram ze chen po dge 'dun ni bdud bye ba phrag brgya stong gis kyang dbye bar mi nus te/ 'di ni thabs yin par blta bar bya'o/ /lha sbyin drug sde dang bcas pa ni dge 'dun gyi
iiif viewer powered by OpenSeadragon
Texts on this page
D232 - 'phags pa sprin chen po zhes bya ba theg pa chen po'i mdo