rKTs

e-texts navigator

Volume

Page

174b₁ nor bu thams cad kyi snod lta bur yang 'gyur ro/ /rig byed kyis chog par 'dzin pa'i sems can rnams la skyon yang dag par bstan par bya ba'i phyir gsang tshig dang rig byed thams cad la mkhas par yang byed do/ /bya skad kyi brda thams cad la zhen pa'i sems can rnams kyi lta ba gcad pa'i
174b₂ phyir bya skad kyi brda thams cad ston par byed do/ /sman gyi sde tshan dang / rtsi dang ldan par rnam par 'phrul pa'i phyir shing ljon pa dang / 'khri shing dang / 'bras bu dang / me tog dang / sman no cog lta bur yang bdag nyid byin gyis rlob par byed do/ /'tsho nam thams cad la yang brtson la chags pa
174b₃ dang longs spyod la mngon par zhen pa yang med do/ /theg pa dman pa rnam par gcad pa'i phyir bsgrags pa'i chos kyi 'bel ba'i gtam thams cad kyang legs par ston par byed do/ /sems can thams cad bsrung ba dang / yongs su bskyang ba'i phyir rgyal po'i bya ba la yang 'jug par byed do/ /
174b₄ tshong dpon gyi chos lugs kyis dga' bar bya ba'i phyir tshong dpon gyi nang du yang tshong dpon du bkur bar 'gyur ro/ /khyim gyi skyon thams cad yongs su gcad pa'i phyir khyim gyi nang du yang khyim bdag tu bkur bar 'gyur ro/ /rgyal rigs kyi chos lugs rab tu gnas par bya ba'i phyir rgyal rigs
174b₅ kyi nang du yang rgyal rigs su bkur bar 'gyur ro/ /nga rgyal dang / rgyags pa dang / dregs pa gzhom pa'i phyir bram ze'i nang du yang bram zer bkur bar 'gyur ro/ /bya ba thams cad dang / chos lugs thams cad la gzud par bya ba'i phyir blon po chen po'i nang du yang blon po chen por bkur
174b₆ bar 'gyur ro/ /rgyal srid dang / longs spyod dang / dbang phyug las rnam par bzlog pa'i phyir gzhon nu'i nang du yang gzhon nur bkur bar 'gyur ro/ /bud med yongs su smin par bya ba'i phyir btsun mo'i 'khor dag tu yang srungs ma nyung rum du bkur bar 'gyur ro/ /bsod nams
174b₇ kyi khyad par la lhag par dmigs par bya ba'i phyir skye bo phal pa rnams dang yang 'thun par 'jug go/ /dbang phyug gi nyes dmigs bstan pa'i phyir/ brgya byin gyi nang du yang brgya byin du bkur bar 'gyur ro/ /ye shes kyi khyad par bstan pa'i phyir tshangs pa'i nang du yang tshangs par bkur bar

_{iiif viewer powered by OpenSeadragon}

174a - 175a

Texts on this page